Hena Waefeso 2 - Sumu Yedi ya Isa Masiya 1906 Kitamo 1897 Malumbo 1905

¹ Akambusha unywi, mukinaoke mufwie hena matekwa na ng’oki jenyu,

² ghati ya iji muselie hena mitongie ya masanga ama, hena mbaha wa zinya ya mruki‐wa‐mwanya, wa ngoma yahira ingeriaha ghati ya waana wa kugolong’a;

³ na ghati ya awa uswi pia tuikee kae ghati ya malangwa ma muri wetu, tukiketa vila vikundiwe na muri na lusaro, tukaoka hena lukishoni waana wa oro, sa wala weshighajike;

⁴ kake Izuwa, ekioka mmazi wa lusario, hena lukundo lwakwe lubaha etukundie nalo,

⁵ tukinaoke tufwie hena matekwa metu etuingie moo hamwe na Kristo (hena mvono mukijwe),

⁶ akaturusha hamwe naye, akatuikaja hamwe naye ghati ya handu ha wanga, ghati ya Kristo Yesu:

⁷ nesa magheri ma akenya awonje wumazi wukelie wa mvono wakwe ghati ya kutuketa nezo ghati ya Kristo Yesu:

⁸ amu hena mvono mukijwe hena luitikijo: na iki si henyu wenye: ni kiingijo kya Izuwa:

⁹ nete si hena mihiro, mundu asikuisise.

¹⁰ Amu uswi ndima yakwe, tulungiwe ghati ya Kristo Yesu hena mihiro yedi, eiarehie Izuwa kuwoka tuwone kuiselia.

¹¹ Hena lwa iyo kumbukeni, ti kae unywi, Mambare ghati ya muri, weitangwa Kusatawanwa na kila kiitangwa Kutawanwa, ghati ya muri, kuarehwe na mikono:

¹² ti muokie magheri mala hae kufuma Kristo, mutanjwe na siri ya Israeli, na wagheni hena maaghanyo ma lutemiano, wesina luing’idaki, na wesina Izuwa masangeni.

¹³ Kake ingeriaha ghati ya Kristo Yesu unywi muokie kae hae mwaoka afuhi ghati ya sakame ya Kristo.

¹⁴ Amu niye luworo lwetu, ewaareha weri kuoka mwe, akalubaa lusarigho lwa kutanya ghati,

¹⁵ ekitesha ghati ya muri wakwe lusuwo, sheria ya maaghanyo ghati ya maitanawo; nesa alunge ghati yakwe mwenye mundu msha mwe kufuma awa weri, ekiareha luworo;

¹⁶ na awakundanye wose weri ghati ya muri mwe hena Izuwa hena nzia ya msalaba, ekikoma lusuwo nagho:

¹⁷ akaza akatinda luworo hena unywi muokie hae na hena wala weokie afuhi:

¹⁸ amu hena ye uswi wose weri tuna nzia ya kumfikia Apa ghati ya Ngoma mwe.

¹⁹ Na huwo tomuokawa wagheni na wazoki, nde manoti waghenji wawo weshenete, na wa nyumba ya Izuwa,

²⁰ mukijengwa wanga ya luwoko lwa waondo na waroti, Kristo Yesu mwenye ekioka ibwe ibaha la ngandeni;

²¹ ghati yakwe jengo lila lose, likilunganywa nezo, laeha kuoka hekalu lishenete ghati ya Mzuri;

²² na ghati yakwe unywi pia mwajengwa hamwe hena tuo la Izuwa ghati ya Ngoma.