Hena Waebrania 4 - Sumu Yedi ya Isa Masiya 1906 Kitamo 1897 Malumbo 1905

¹ Huwo uswi tuondoke, isioke ngea, lutemiano lukishighwa lwa kuingia ghati ya lusoghoko lwakwe, mundu wa henyu akeye awonwe sa mwenye kuduhuka.

² Amu kididi tuokie na mburi yedi itindwe hetu sandu na wala pia: kake kiteto kya kusikia tekiokie na mbucha hawo, amu tekigurana na luitikijo ghati yawo wekisikie.

³ Amu uswi tuitikija twaingia na lusoghoko lula; sandu etetie, Sandu nirarie ghati ya oro yangu, Wasiingie ghati ya lusoghoko lwangu: ikioka ndima jiidiwike too luwoko lwa masanga.

⁴ Amu etetie handu hena musi wa kafungate huwo, Izuwa akasoghoka musi wa kafungate hena ndima jakwe jose;

⁵ na ahawa, Wasiingie ghati ya lusoghoko lwangu.

⁶ Huwo ikioka kyashighajika ti weoho weneingia uko, na wala wetindiwe mburi yedi kuwoka wakasowa kuingia amu ya kugolong’a,

⁷ Aghambawa musi msiku, ekiteta ghati ya Daudi, kutera kwa magheri sa ama, Yoo, sandu itetiwe kuwoka, Yoo mukilisikia ighonda lakwe, Musijigumije ngoro jenyu.

⁸ Amu kwakicha Yoshua ewasoghoshe, kwakicha teutetie ikwade musi ungi.

⁹ Huwo lusoghoko lwa sabato lwaikaa hena wandu wa Izuwa.

¹⁰ Amu ula eingia ghati ya lusoghoko lwakwe esoghoka mwenye hena ndima jakwe, sa Izuwa hena jakwe.

¹¹ Huwo tukete lunyarki kuingia na lusoghoka lula, mundu asigwe hena fwana ila la kugolong’a.

¹² Amu kiteto kyakwe Izuwa kina moo, na kyahira, na kikaehe kukela muhandi wa kutema mbai jose, na kyasoma mtano kutanya ngoma na ngoro, na marungo na ndoli, na kianguhe kutwarija na makusaro na magheshijio ma ngoro.

¹³ Na tehenaho kilungiwe kisiwonwe nezo mesoni hakwe: kake vyose tuhu na mwaji mesoni hakwe ula tuna kiteto naye.

¹⁴ Huwo tukioka na mkohani mbaha, eye evetie handu ha wanga, Yesu Mwana wa Izuwa, tugure nezo lughambo lwetu.

¹⁵ Amu totuna mkohani mbaha asiidima kugurana na uswi ghati ya wunana wetu; nde mwenye kugheshwa ghati ya vyose sa uswi, asioke na ng’oki.

¹⁶ Huwo tukisongerie kiikayo kya mvono na kukaria, nesa tuuhie lusario, na tuwone mvono wa kutughenja magheri ma kuwaiya.