Biblia Todo Logo
Bìoball air-loidhne

- Sanasan -

Hena Waebrania 13 - Sumu Yedi ya Isa Masiya 1906 Kitamo 1897 Malumbo 1905

1-2 Lukundo lwa mundu na mundwawo luikae. Musiiwae kuwatigha wagheni: amu hena iyo wandu weoho wewatighie malaika wasitisiwe.

3 Wakumbukeni wala weoho machungoni, sa wenye kuchungwa hamwe nawo; wala weketiwe viwiwi, sa mukioka murini wenye.

4 Wai wuoke na nganyi ghati ya wose, na wui wusina ikwe: amu Izuwa enewachilia waketi‐mbuya na washindi.

5 Musioke na ngoro ya kukunda fetha; mukihoia na vila muvihete: amu mwenye eteta, Sinekushigha deng’e, nete sinekutihia deng’e.

6 Huwo twateta na ngoro idindie, Mzuri mghenja wangu; sineituka: mundu eneniketia kini?

7 Wakumbukeni wala weokie wekiitoria wanga yenyu, wemutetie kiteto kya Izuwa; na mukigheshijia kuidiwika kwa mitongie yawo, tamaiyeni luitikijo lwawo.

8 Yesu Kristo iwuo na yoo eikee huwohuwo, na ndarasi.

9 Musitikwe na malosho mengimengi na magheni: amu ni kyedi ngoro iduwijwe na mvono: si hena vijo, visiokie na mbucha hena wala weviselie.

10 Tuna kisiko, na wala welitumikia hema tewena luidimo kula ghati yakwe.

11 Amu miri ya nyama jila, sakame yawo ietwe ghati ya heshenete na mkohani mbaha hena ng’oki, yashotwa some ya matuo.

12 Hena lwa iyo Yesu pia, nesa awashenetije wandu hena sakame yakwe mwenye, ewawijwe some ya mbenge.

13 Huwo tufume tukitonga hakwe some ya matuo, tukitika nguruna yakwe.

14 Amu aha totuna uswi kiongo kya kuikaa, kake twakienda kila kineza.

15 Huwo hena ye tumng’olie Izuwa itasi la luisiso misi yose, nilo, ndunda ya miomo ing’olie lughambo hena izina lakwe.

16 Kake kuketa vyedi na ulungano musiiwae; amu na matasi sa ama Izuwa eisejwa.

17 Waingeni isikio wala weitoria wanga yenyu, mukugere si yawo: amu wechewa hena lwa ngoro jenyu, sa wandu wenye kung’ola kutara kwawo; nesa wakiarehe iki na luizihiro, nete si na wukiwa: amu iki tekina mbucha henyu.

18 Mutombie: amu twaingidaki ti tuna lusaro lwedi, tukikunda kugura mitongie yedi ghati ya vindu vyose.

19 Na naneta muno kumtindia kuketa iki, nesa nihunduiwe henyu wanguwangu.

20 Na Izuwa wa luworo, eye eetiewa kufuma wefwie Mrisha mbaha wa maghonji hena sakame ya aghanyo la ndarasi,

21 Mzuri wetu Yesu, amwoshe muirowili ghati ya kindu kyose kyedi, mukete sandu ekundie, ekihira ndeni hetu kindu kila kiiseja mesoni hakwe, hena Yesu Kristo; hakwe kirumi ndarasi na ndarasi.

22 Kake namtindia, wandwetu, sikieni nezo kiteto kya lutindo: amu namutamia na viteto vifaa.

23 Tisiweni ti mundwetu Timoteo echunguwa; na hamwe naye, ekiza wanguwangu, ninembona.

24 Wakezieni wose weitoria wanga yenyu, nawo weshenete wose. Wala wa Italia wamukezia.

25 Mvono uoke hamwe na unywi wose. Amen.

Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.

British & Foreign Bible Society
Lean sinn:



Sanasan