3 Wakwe Yohana 1 - Sumu Yedi ya Isa Masiya 1906 Kitamo 1897 Malumbo 1905

¹ Mughosi hena Gayo mkundwa, eye nimkundie ghati ya kididi.

² Mkundwa, naomba ti ghati ya vindu vyose ukete nguwari na uduwe, sandu ngoro yako iketie nguwari.

³ Amu niizihirwe muno, wandu‐wa‐hetu wekinaze na wekinaishuhudie kididi yako, sandu usee ghati ya kididi.

⁴ Sinami luizihiro lubaha kukela ulu, kusikia mburi ya waana wangu wekisela ghati ya kididi.

⁵ Mkundwa, uhirie ndima ya luitikijo ghati ya kyose akeye uketie hena wala ewo ni wandu‐wa‐hetu na wagheni pia;

⁶ ewo welushuhudia lukundo lwako msongorana wa kanisa: na uneketa nezo ukiwazokija sandu iinarwe na Izuwa:

⁷ amu hena lwa Izina wefumie wesiuhe kindu kya Mambare.

⁸ Hena lwa iyo yatuwe kuwatigha wandu sa awa, nesa tuoke wahiri‐hamwe ghati ya kididi.

⁹ Nilitamie kanisa kiteto: kake Diotrefe, eye ekundie kutokela ghati yawo, tetuuhiaye.

¹⁰ Hena lwa iyo, nikiza, ninekumbusha wandu ndima jakwe ejiarehie, ekituketia ndurwaishu na viteto viwiwi; nete ivi tevimfikia, na mwenye tewauhiaye wandu‐wa‐hetu, na wala wekundie ewasuija, na ewatagha some ya kanisa.

¹¹ Mkundwa, usitamaie kila ekyo kiwiwi, nde kila ekyo kyedi. Ula eketa vyedi ni wa Izuwa: ula eketa viwiwi tembonie Izuwa.

¹² Demetrio eshuhudiwa ni wose, na kididi njenye: ee, uswi pia twashuhudia; na watisiwa ti shuhuda letu ni la kididi.

¹³ Niokie na vindu viingi vya kukutamia kake sikundiemi kukutamia na wino na kalamu:

¹⁴ kake naing’idaki kukuwona afuhi, na tuneteta wusho hena wusho. Luworo hako.

¹⁵ Wambuyaa wakukezia. Wakezie wambuyaa hena izina.