2 Hena Wakorintho 3 - Sumu Yedi ya Isa Masiya 1906 Kitamo 1897 Malumbo 1905

¹ Twawokawa kukuisisa wenye? kana tuwaiya, sa wengi, barua ja luisiso kuza henyu kana kufuma henyu?

² Unywi barua yetu, itamwe ngoroni hetu, itisiwike na isomwe na wandu wose:

³ Mukiwonjwa raa ti unywi barua ya Kristo, ihiriwe na uswi, isitamwe na wino, nde na Ngoma ya Izuwa mwenye moo; si ghati ya maboho ma mabwe, nde ghati ya maboho meoho ngoro ja nyama.

⁴ Na luing’idaki sa ulu tuhete hena nzia ya Kristo hakwe Izuwa:

⁵ si ti wenye twafika kugheshijia kindu sa kufuma hetu wenye, nde kufika kwetu kwafuma hakwe Izuwa:

⁶ eye etuosha wakufika tuoka wahiri wa aghanyo isha, si wa kitamo, nde wa ngoro: amu kitamo kyakoma, kake ngoro yang’ola moo.

⁷ Amu kwakicha luhirio lwa kifwa, lutamwe, lusongowe ghati ya mabwe, luzie ghati ya kirumi, mtano waana wa Israeli teweidima kuyoa nezo wusho wakwe Musa amu ya kirumi kya wusho wakwe; na kirumi iki kiokie kikivetia:

⁸ nize luhirio lwa ngoma luneneta kuoka na kirumi?

⁹ Amu kwakicha luhirio lwa wuchili ni kirumi, kulukela muno luhirio lwa ngalo luneneta kuoka na kirumi.

¹⁰ Amu kididi kila kirumishwe tekirumishwe ghati ya kindu iki, amu ya kirumi kila kikelie.

¹¹ Amu kwakicha kila kikundie kuvetia kiokie na kirumi, nize hena kukela muno kila kiikaa ni ghati ya kirumi.

¹² Hena lwa iyo tukioka na luing’idaki sa ulu, tuhiria kukaria kubaha kwa kuteta,

¹³ na totuoka sa Musa, ekukubukie wusho, waana wa Israeli wasiyoe nezo kuidiwika kwa kindu kila kikundie kuvetia:

¹⁴ kake makusaro mawo megumie: amu mtano yoo ichi hena kusoma aghanyo la kae ikubukio lilalila laikaa lisiwushijwa: nalo lateshwa ghati ya Kristo.

¹⁵ Kake mtano yoo, Musa ekisomwa, ikubukio lioho wanga ya ngoro yawo.

¹⁶ Kake ikigharuka hena Mzuri, ikubukio lawushijwa.

¹⁷ Naye Mzuri ni Ngoma: na handu Ngoma ya Izuwa eoho, niho esiwuzoro.

¹⁸ Kake uswi wose, na wusho wusikubukiwe tukiwonyanya sa kioo kirumi kyakwe Mzuri, twagharushwa kuoka mwa ilaila kufuma kirumi mtano kirumi, sa kufuma Mzuri Ngoma.