1 Hena Wakorintho 8 - Sumu Yedi ya Isa Masiya 1906 Kitamo 1897 Malumbo 1905

¹ Na hena mburi ya vindu vyang’olwa hena sanamu: Twatisiwa ti tuna lutwarijo lose. Lutwarijo lwaete kukubaabaa, kake lukundo lwajengia.

² Mundu ekigheshijia ti etisiwa kindu, temetisiwaye sandu yambe kutisiwa;

³ kake mundu akeye ekimkunda Izuwa, ula etisiwika naye.

⁴ Huwo hena mburi ya kula vindu vyang’o lwa hena sanamu, twatisiwa ti sanamu si kinducho masangeni, na ti tehenaho Izuwa nde mwe.

⁵ Amu ikioka meingi meoho meitangwa maizuwa, kwakicha wanga kana masangeni; sandu meoho maizuwa meingi na wazuri weingi;

⁶ kake hetu hena Izuwa mwe, Apa, kufuma hakwe vyose vyaoka, na uswi hena ye; na Mzuri mwe, Yesu Kristo, hena ye vyose vyaoka, na uswi hena ye.

⁷ Kake ghati ya wandu wose lutwarijo lula toluoho: kake mondo wekimanyera sanamu mtano ingeriaha, wela sa cha kindu kyang’olwa hena sanamu; na lusaro lwawo lukioka lunana lwagerwa ikwe.

⁸ Kake kijo tekinetuetie luisiso hakwe Izuwa: nete, tusile, twaduhuka; nete, tukila, twaneta.

⁹ Kake kuyoeni isioke ngea luidimo ula lwenyu luoke msadara hena wala wanana.

¹⁰ Amu mundu ekikuwona we mwenye lutwarijo ukiikaa hena kijo ghati ya hekalu la sanamu, lusaro lwakwe, ekioka mnana, tolunedindijwa ghati ya kula vindu vyang’olwa hena sanamu?

¹¹ Na hena lutwarijo lwako ula mnana eteka, mundu wa hetu Kristo emfwie.

¹² Na huwo, tukiketa ng’oki wanga ya wandu‐wa‐hetu, na mukiluwinya lusaro lwawo lukioka lunana, mwaketa ng’oki wanga ya Kristo.

¹³ Hena lwa iyo, kijo kikioka msadara hena mundwetu, sinela nyama deng’e ndarasi, nisioke msadara hena mundwetu.