1 Hena Wakorintho 5 - Sumu Yedi ya Isa Masiya 1906 Kitamo 1897 Malumbo 1905

¹ Yasikiwa koro mbai jose hena mbuya henyu, na mbuya ya mbare ila, sa isioho nete ghati ya Mambare, mwe aoke na mche wa wawee.

² Na unywi mwakubaabaa, nete mwasashiniwa keba, ula eketie iki awone kuwushijwa hae kufuma ghati yenyu.

³ Amu kididi mi, nisioho murini, nde nioho hena ngoma, naidiwa kumchilia ula ekiketie kindu iki, sandu nikioka henyu,

⁴ hena izina la Mzuri wetu Yesu, mukiwunganyika hamwe, na ngoma yangu, na zinya ya Mzuri wetu Yesu,

⁵ kumng’ola mundu sa uu hena Shetani, muri uwone kuteka, nesa ngoma ikijwe musi wa Mzuri Yesu.

⁶ Kukuisisa kwenyu si kwedi. Tomutisiwa ti wuchachu wudongo wufusha ifungu lose?

⁷ Kuzerrijeni ghati ya chachu ya kae, nesa muoke ifunga isha, sandu muokie musifushwe. Amu pasaka yetu yaidiwa kung’olwa, niye Kristo:

⁸ hena lwa iyo tuarehe ngasu, si hena chachu ya kae, nete hena chachu ya tiri na owiwi, nde hena kila kisifushwe kya wuchobwe na kididi.

⁹ Namutamia ghati ya waraka wangu musikete sighari na waketi‐mbuya;

¹⁰ si deng’e na waketi‐mbuya wa masanga ama, kana nawo welangwa na wasoki, kana na waombi‐sanamu; amu huwo tomuna huwo kufuma ghati ya masanga:

¹¹ kake ingeriaha namutamia musikete sighari, mundu akeye eitangwa mundu‐wa‐hetu ekioka mketi‐mbuya, kana mlangwa, kana mwombi‐sanamu, kana mwenye kuengea, kana msoki; na mundu sa uu hai, nete kula.

¹² Amu nina kini ghati ya kuwachilia wala wa some? Tomuwachilia wala wa ndeni,

¹³ kake wala wa some Izuwa enewachilia. Mbushije mundu ula mbiwi ghati yenyu.