SOLOMONWUI LAA 1 - Kathara Bible (BSI)Ngalāva̱ 1 Laabingwui Laa hi Solomonwuina. 2 O nakhamor eina nana ili maya̱khuisi kaja! Kaja nawui leikashi drakhāra̱lila phāmei, 3 nawui thao khaneo nganamphāshuna, naming thao heikashoklaka; chiwui vang ngalānaobingna nali leishi! 4 Nali nganai ngasakmilu, ini thakusa. Awungana ili awui kāli thānzanga, ithumna mathānda nali ringphārumra; drakhāra̱li lāngda nawui leikashili ithumna sora; athumna nali leishikachangkhata. 5 O Jerusalemwui naongalāva̱ ngarā! Iya ziklaka, kha ningshāt kai; Kedarwui kachonshim kala Solomonwui chonrān thai. 6 Kazikwui vang ili mayangkazilu, zinghāmna zikkhangasakna. Ishāva̱wui naomayara ngarāna ili malungvāta, athumna ili drakhā yāmgui khamayona sāngasaka; kha, I khalattawui drakhā yāmgui mamayonmana! 7 Hāngmilu, imanglāna leikashe, nawui yao kali phāchizātkhala, ngashun kali chipamkhala, kaja kachiwui vang eina ina yaokazatabing thāda nawui ngasotabingwui yaoshang ngalemli pamzatrakhala? Mayara 8 O ngalānaobingwui ngachaili mathāmeikap kachiva̱, nana matheiakha yaoshangwui pheichon kazunda, nawui yaonaoli phāshai ngasaklu, yao kahomnaobingwui kachonshim ngalemli. Mākkhāmkahaia eina Mākkhāmkahaiva̱ 9 Iwui leikashiva̱, ina nali Pharaohwui siguigariwui siguili pāntama. 10 Namaisor ngachān sāri ngayishun, nakahungla chāra̱-chāsān pengpeng kangayishun. Chorus 11 Sināwui ngachān sāri, lupāsā rukkasang, ithumna nawui vang sāmira. Ngalāva̱ 12 Awungana awui petli leilakha, iwui nardwui anganam kha̱shoka. 13 Iwui leikashe, nava iwui vanga iwui sungthei marakli kahai nganamkaphā myrrh arom thai. 14 Iwui leikashe, nava iwui vanga En-gedi yāmguiwui henna asur eina khawon thai. Mayara 15 Yanglu, nawui khamathā, iwui leikashiva̱; yanglu, na mathākachangkhata; namik nāsha̱nao thai. Ngalāva̱ 16 Yanglu, nawui khamathā iwui leikashia, mathākachangkhata, iniwui pet matekchimhai; Mayara 17 ishi shimwui khangen cedar thingna, matang eina khanji sai. |
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
Bible Society of India