Biblia Todo Logo
Bìoball air-loidhne

- Sanasan -

PHONGKHAMI 10 - Kathara Bible (BSI)


Kazingrao eina Kateowa Lairik Akhalui

1 Chiwui thili pangshap khalei kazingrao akha kazingram eina katā ina thei. Muiya eina romma, akuili changjeengawuta; amai zimik thada horra kala aphei meiwui pakra̱ thai.

2 Apāngli lairik akhaluinao akha hārlaga singa. Awui yāphei shamadrutungli nai, wuiphei ngaleili nai.

3 Chiwui thili kazingkha̱ kakhangang thada panglāk eina vaowa; ana khavao eina kazing khangashum shini china matuishoka.

4 Kazing khangashumna hāngkhaleoda, ina kapikida sai. Kha kazingramwui eina akhon akha hithada hāngkharā ina shai, “Kazing khangashum shinina kahāng chi thumtithaisālu, makapikhuialu.”

5 Chiwui thili shamadru eina ngaleitungli khanganinga kazingrao china yāpāng katingkāda,

6 okathuila, kazingla, shamadrula, kala chibingwui alungli khalei saikora kasaa kala mashimānda ringching kaje chiwui ming singda ina katheiya kazingrao china “Atam maleiluimana” da shākhi kasā thei.

7 Kha kashine kazingraona talla̱ kakhong eina, Varena awui raobing kala paokazatbingli chithei kahai athishurda awui ngathum kahai angarān chi ungshung ngasaka.

8 Chiwui thili ina kazingramwui eina kashākhon china ili hāngluishit kaji ina shai, “Shamadru eina ngaleitungli nganingda khalei kazingraowui pāngli hārkahai lairik chi akhuilu.”

9 Chieina lairik akhaluinao chi ili mikhavai kazingrao chili apoi. Ana ili hānga, “Hi khuilaga shailu; hina nawukli khāshihaira, kha nakhamorli khuira̱ thada shimshira.”

10 Kazingrao chiwui pāng eina lairiknao chi khuilaga ina shaitāhaowa, kala ikhamorli khuira̱ thada shimshuna, kha shaikatā eina wuklungli khāshihaowa.

11 Chiwui thili ili hānga, “Ngalei kachungkhawui, miyur kachungkhawui, tuiyur kachungkhawui kala awunga kachungkhawui maramli Varewui pao nana marānmiphalungra.”

Tangkhul Naga Bible - Kathara Bible

Copyright © 2014 by The Bible Society of India

Used by permission. All rights reserved worldwide.

Bible Society of India
Lean sinn:



Sanasan