NEHEMIAH 7 - Kathara Bible (BSI)

¹ Phākho sākuphaida ina khāmongla sāsangserhai, khāmong khamayonabingla, laa kasābingla, Levinaobingla kapangsangser kahai tharan,

² Jerusalem mungkhavai ina ichina Hanani eina Hananiahli rammunga sāngasaka, kaja Hananiah hi mi saikorawui ngachaili ningkatonga kala Vareli ngacheemeikap kaji mi akhana.

³ Ina athumli, “Ngashun makāranglakha eina tangda Jerusalemwui ngavei mashopaimara, kala chili nganingda leilakha eina tangda ngavei tāktithailu. Jerusalemwui mibingwui eina shantri phāsanglu, athumna kachichāshiwui shimli kāroda raikān phāsanglu” da hānga.

Raithā kahaiwui eina Latkhaungbing

⁴ Keinung chi hakshuna, kha chiwui alungli miva kateokhamāng lei, kala shimla masākārangsai.

⁵ Chiwui thili Varena, iwui ningli wungnaobing, otva̱bing, kala mibing kazipkhuida athumwui naotun athishurda lairikli aming channgasak khavai kasatmi. Kala ungkharebingwui naotunwui lairik chi ina samphangda hithāda kapihaisai.

⁶ Babylonwui awunga Nebuchadnezzarna tukkhui kahaibing, ngalei chiwui eina latkhaung athum chi hibingna; athumna ichichāwui kha̱ Judah eina Jerusalemli hanunga.

⁷ Athum Zerubbabel, Jeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, Baanah, athumli ngasounga. Israel mibingwui mashing:

⁸ Paroshwui naomayarabing, thingkhani shākha hangshinida khani.

⁹ Shephatiahwui naomayarabing, shākathum hangshinida khani.

¹⁰ Arahwui naomayarabing, shātharuk hangphangāda khani.

¹¹ Pahath-moabwui naomayarabing, matailak eina Jeshua eina Joabwui naomayarabing, thingkhani shāchishat tharāda chishat.

¹² Elamwui naomayarabing, thingkha shākhani hangphangāda mati.

¹³ Zattuwui naomayarabing, shāchishat hangmatida phangā.

¹⁴ Zaccaiwui naomayarabing, shāshini hangtharuk.

¹⁵ Binnuiwui naomayarabing, shātharuk hangmatida chishat.

¹⁶ Bebaiwui naomayarabing, shātharuk maga̱da chishat.

¹⁷ Azgadwui naomayarabing, thingkhani shākathum maga̱da khani.

¹⁸ Adonikamwui naomayarabing, shātharuk hang tharukta shini.

¹⁹ Bigvaiwui naomayarabing, thingkhani hangtharukta shini.

²⁰ Adinwui naomayarabing, shātharuk hangphangāda phangā.

²¹ Aterwui naomayarabing, kaja Hezekiahshi, hangchikoda chishat.

²² Hashumwui naomayarabing, shākathum maga̱da chishat.

²³ Bezaiwui naomayarabing, shākathum maga̱da mati.

²⁴ Hariphwui naomayarabing, shākha tharāda khani.

²⁵ Gebeonwui naomayarabing, hangchikoda phangā.

²⁶ Bethlehem eina Netophahwui mi, shākha hangchishatta chishat.

²⁷ Anathotwui mibing, shākha maga̱da chishat.

²⁸ Beth-azmavethwui mibing, hangmatida khani

²⁹ Kiriath-jearim, Chephirah, kala Beerothwui mibing, shāshini hangmatida kathum.

³⁰ Ramah eina Gebawui mibing, shātharuk maga̱da akha.

³¹ Michmaswui mibing, shākha maga̱da khani.

³² Bethel eina Aiwui mibing, shākha maga̱da kathum.

³³ Nebo khangateiwui mibing, hangphangāda khani.

³⁴ Khangatei Elamwui naomayarabing, thingkha shākha hangmatida mati.

³⁵ Harimwui naomayarabing, shākathum maga̱.

³⁶ Jerichowui naomayarabing, shākathum hangmatida phangā.

³⁷ Lod, Hadid, kala Onowui naomayarabing, shākha maga̱da akha.

³⁸ Senaahwui naomayarabing, thingkathum shāchiko thumra.

³⁹ Pāngmonbing: Jedaiahwui naomayarabing, aming eina Jeshuawui, shimkhur shāchiko hangshinida kathum.

⁴⁰ Immerwui naomayarabing, thingkha hangphangāda khani.

⁴¹ Pashhurwui naomayarabing, thingkha shākhani hangmatida chishat.

⁴² Harimwui naomayarabing, thingkha tharāda shini.

⁴³ Levishi: Jeshuawui naomayarabing aming eina Hodevahwui naomayarabing eina Kadmi-elwui naomayarabing hangshinida mati.

⁴⁴ Laa kasābing: Asaphwui naomayarabing, shākha hangmatida chishat.

⁴⁵ Khamong khamayonabing: Shallumwui naomayarabing, Aterwui naomayarabing, Talmonwui naomayarabing, Akkubwui naomayarabing, Hatitawui naomayarabing, Shobaiwui naomayarabing, athum shākha thumrāda chishat.

⁴⁶ Khorum khavai shimwui otram khangatha̱bing: Zihawui naomayarabing, Hasuphawui naomayarabing, Tabbaothwui naomayarabing,

⁴⁷ Keroswui naomayarabing, Siawui naomayarabing, Padonwui naomayarabing,

⁴⁸ Lebanawui naomayarabing, Hagabawui naomayarabing, Shalmaiwui naomayarabing,

⁴⁹ Hananwui naomayarabing, Giddelwui naomayarabing, Gaharwui naomayarabing,

⁵⁰ Re-aiahwui naomayarabing, Rezinwui naomayarabing, Necodawui naomayarabing,

⁵¹ Gazzamwui naomayarabing, Uzzawui naomayarabing, Paseahwui naomayarabing,

⁵² Besaiwui naomayarabing, Me-unimwui naomayarabing, Nephushesimwui naomayarabing,

⁵³ Bakbukwui naomayarabing, Hakuphawui naomayarabing, Harhurwui naomayarabing,

⁵⁴ Bazlithwui naomayarabing, Mehidawui naomayarabing, Harshawui naomayarabing,

⁵⁵ Barkoswui naomayarabing, Siserawui naomayarabing, Temahwui naomayarabing,

⁵⁶ Neziahwui naomayarabing, Hatiphawui naomayarabing.

⁵⁷ Solomonwui raobingwui naomayarabing: Sotaiwui naomayarabing, Sopherethwui naomayarabing, Peridawui naomayarabing,

⁵⁸ Jaalawui naomayarabing, Darkonwui naomayarabing, Giddelwui naomayarabing,

⁵⁹ Shephatiahwui naomayarabing, Hattilwui naomayarabing, Pochereth-hazzebaimwui naomayarabing, Amonwui naomayarabing.

⁶⁰ Khorum khavai shimwui otram khangatha̱bing kala Solomonwui raobingwui naomayarabing saikora shākathum hangchikoda khanina.

⁶¹ Azingwuibing hina Tel-melah, Tel-harsha, Cherub, Addon, kala Immer eina khaungbingna; kha athum avāva̱ ngarāwui shimkhur kala khipāwui naotunkhala kaji shākhi mamararthuda Israelnaok maningmakhala kaji mahāngrarthuwa.

⁶² Delaiahwui naomayarabing, Tobiahwui naomayarabing, Necodawui naomayarabing, shātharuk hangmatida khanina.

⁶³ Kala pāngmonbingwuila: Hobaiahwui naomayarabing, Hakkozwui naomayarabing, Barzillaiwui naomayarabing, (Gileadna Barzillaiwui naongalāva̱li ngakumlaga chiwui ming khuikahaina).

⁶⁴ Hibingna naotun lairiklung chili ming chanmi khavai poi, kha chili masamphangmada pāngmonrinwui eina makatharana da khuishokhaowa.

⁶⁵ Urim eina Thummimwui pāngmon mashokranglakha eina tangda tharmeikap kaji kashakazā chili athum mazangpaimara da rammunga china athumli hānghaowa.

⁶⁶ Katonga kakazip chi mi thing hangmatida khani shākathum hangtharukna,

⁶⁷ chili lāngda athumwui rao, sha̱naola mayarnaola thingshini shākathum thumrāda shini kala laa kasā sha̱nao mayarnao shākhani hangmatida phangāna.

⁶⁸ Athumwui sigui shāshini thumrāda tharuk, athumwui gadhā shākhani hangmatida phangā

⁶⁹ kala athumwui ut shā̱mati thumrāda phangā, kala gadhā kateo yur thingtharuk shāshini maga̱na.

⁷⁰ Chitharan ot sākhavai avāva̱ ngarā shimkhurwui wungva̱bingna pheisā mi. Rammungana lanshimli sinā eina kg. chishat, khongsai hangphangā, pāngmonwui sāri shāphangā thumrā mi.

⁷¹ Kala avāva̱ ngarā shimkhurwui wungva̱ kaikhana ot chiwui vang lanshimli sinā kg. shākha hangtharukta chishat, lupāsā kg. thingkha shākhani hangphangā mi.

⁷² Kala mi katateibingna khami sinā kg. shākha hangtharukta chishat, lupāsā kg. shākha hangmati, kala pāngmonbingwui kachon hangtharukta shini samphanga.

⁷³ Chithāda pāngmonbing, Levinaobing, ngavei khamayonbing, laa kasābing, mi khangatatei kaikha, khorumkhavai shimli otram khangatha̱bing, kala Israel saikora na kachichashiwui keinungli pamsera. Kala kachāng kashine kākapei eina, Israelwui naomayarabingna athumwui keinungli pamhairasai.