NEHEMIAH 10 - Kathara Bible (BSI)

¹ Mahor khanambing chiya, Hacaliahwui nao, rummunga Nehemiah, Zedekiah,

² Seraiah, Azariah, Jeremiah,

³ Pashhur, Amariah, Malchijah,

⁴ Hattush, Shebaniah, Malluch,

⁵ Harim, Meremoth, Obadiah,

⁶ Daniel, Ginnethon, Baruch,

⁷ Meshullam, Abijah, Mijamin,

⁸ Ma-aziah, Bilgai, Shemaiah, athum hi pāngmonbingna.

⁹ Kala Levibing: Azaniahwui nao Jeshua, Hanadadwui naobing Binnui, Kadmi-el,

¹⁰ kala achinā ngarā, Shebaniah, Hodiah, Kelita, Pelaiah, Hanan,

¹¹ Mica, Rehob, Hashabiah,

¹² Zaccur, Sherebiah, Shebaniah,

¹³ Hodiah, Bani, Beninu,

¹⁴ Mibingwui akhokabing: Parosh, Pahath-moab, Elam, Zattu, Bani,

¹⁵ Bunni, Azgad, Bebai,

¹⁶ Adonijah, Bigvai, Adin,

¹⁷ Ater, Hezekiah, Azzur,

¹⁸ Hodiah, Hashum, Bezai,

¹⁹ Hariph, Anathoth, Nebai,

²⁰ Magpiash, Meshullam, Hezir,

²¹ Meshezabel, Zadok, Juddu-a,

²² Pelatiah, Hanan, Anaiah,

²³ Hoshea, Hananiah, Hasshub,

²⁴ Hallohesh, Pilha, Shobek,

²⁵ Rehum, Hashabnah, Ma-aseiah,

²⁶ Ahiah, Hanan, Anan,

²⁷ Malluch, Harim, Baanah.

Tuingashit

²⁸ Khangatei mibing, pāngmonbing, Levinaobing, ngavei khamayonabing, laa kasābing, khorum khavai shimwui raobing kala Varewui ainwui vang lam chiwui mibingwui eina athum khalatta ngateithui kahai mi saikora, apreiva̱̱ ngarā, naomayara ngarā, naongalāva̱ ngarā, theikhuikathei athum saikora,

²⁹ athumwui achinā ngarāli kala athumwui khangamabingli ngasoda, Varewui rao Mosesna mikahai Varewui ain athishurda zatkhavai khonkashi eina khangashit kakhui chili zanga; kala Proho ithumwui Prohowui ningkhami awui shiyan kala ain mayonphalungra, kala sāra da mayāngaroka.

³⁰ Ithumwui naongalāva̱ ngarā ngalei chiwui mili mafavā ngasakmara, inaomayara ngarālila athumwui ngalā makhuingasakmara;

³¹ kala ngalei hiwui yur khangateina thongthāng nilala, māngum nilala, sabbaththang rāyorlala, ithumna sabbaththang lah kathara zimiksholi malomara; kala kashinekumwui luivāt chihohaora, leiman kachiva̱wui atārla makhuizāmara.

³² Varewui shimli otram ngatha̱ khavai kum kumwui shekhel akhawui khum kathum ithumwuitungli rākhangayi chi mingaroksa da mayā ngaroka:

³³ maiyan khamuiwui vang, kachat maleila muisakchigat sākhavai, machatlakla rikkatā kachigat, sabbathwui, changwokwui, retmi kahai phanit, kathara otwui, kala Israelwui morei maseimi khavai suihamchigat sākhavai, kala ithum Varewui shimli sāvai khavai ot saikorawui vangna.

³⁴ Chi tākam eina ainli kapi kahai thāda ithumwui Vare Prohowui shim hanphuttungli riktā khavai thing kachigat chi kumkumwui hāngkahai atambing chili khuirā khavaiwui vang, ishāvā ngarāwui shimkhur athishurda, pāngmonbing, Levibing kala mibingla zangda ithumna kalā yanga.

³⁵ Ithumna kumkumwui heithei hātkhuikhare, atheirongli khamathei atheiyur minkhare saikora, Prohowui yar khuirāmi ngaroksa da mayāngaroka;

³⁶ kala ainli kapi kahai thāda pharākhare mayarnao, sha̱kei, seinao, kala yaonao, Varewui shimli kala chili otram khangatha̱ pāngmonbingwuili mingaroksa da mayāngaroka;

³⁷ dharreowui mathir, ithumwui vāk, ithumwui atheirongli khamathei atheiyur, drakhāra̱ kala thao, pāngmonbingwuili kala ithum Varewui shimli khalei kābing chili khuirā ngaroksa da mayā ngaroka; kala ithum ngaleiwui eina samkaphang tithe Levinaobingli khuivāmira, kaja ithumwui kha̱ saikorawui eina Levinaobingna tithe kazipkhuimi.

³⁸ Levinaobingna tithe samkaphang tharan, Aaronwui nao pāngmonna tithebingwui tithe chi Varewui shimli, kazip khavai shimli khuikāra.

³⁹ Kaja Israelwui mibing, kala Levinaobingna khami māngum, drakhāra̱, kala thao saikora chi kathara shim, pāngmonbingna otram ngatha̱ khavaipam kala khāmong khamayonbingna khamayonpam, laa kasābingna pamkhavai kā chili khuirāra. Varewui shimli ithum mamalaipaimana.