LAA 87 - Kathara Bible (BSI)

Jerusalemli Sokachikat

¹ Ana sakakā keinung kathara kaphungtungli lei.

² Jacobwui pamkhavai saikorawui alungli lāngda Zionwui ngaveili leishimei.

³ O Varewui keinung, nawui pongli tekhamatei kachungkha matuiya.

⁴ Ili katheibingwui alungli ina Rahab eina Babylonli shānsangra; Yanglu, Philistia, Tyre, Ethiopiala zangda athumna “Hipā hi hili pharai” da hānga.

⁵ Zionwui pongli hithāda hāngra, “Hila chila preiva̱ china pharai.” Kaja Juikhamataiya china ali sākāmira.

⁶ Prohona mibingli mingchan khuida “Hipā hi chili pharai” da aming kapikhui.

⁷ Laa kasābingla, pheichak kasābingla “Iwui ura̱wok saikora nawuili lei” da hāngsera.