LAA 82 - Kathara Bible (BSI)

Reikhamatai Khamunga Vare

¹ Varena awui hanga̱pamli pamhaira; varebingwui alungli ana bichar sai:

² “Nathumna karankha mamashungla bichar sara̱kala makaphābingli mijang sarakhala?

³ Khangazan kala avāva̱ makhaleibingli mashun milu; kakhananga kala khangazana athumwui mashun chi singmilu.

⁴ Khangazana eina khavātabingli makhayābingwui pāng eina kanmilu.”

⁵ “Athum awor kala theikakhuila maleimana, athum tangkhamangli kuiung-kuivā sāzata; okathuiwui shimphunga saikora nganukhaira.

⁶ Ina hānga, ‘Nathum varebingna,’ ‘Nathum saikora Juikhamataiwui naomayarasera;’

⁷ chithālala nathum mikumo thāda thira, wungnao kathā thāda pitāserra.”

⁸ Thuilu, O Vare, okathuili bichar sāmilu, kaja yur saikora nawuisera.