LAA 8 - Kathara Bible (BSI)

¹ O Proho, ithumwui Proho, okathui kuimareida nawui ming teokha hakmahāle! nawui tekhamatei kazingram kāshunga, da

² naoshinao kala angangnaobingwui khamor eina laa sai, kaja yangkashe kala athut kakhuiyali va̱rihai khavai nana raipan sāhaira.

³ Ina nawui kazing, nawui themsak, nana sākahai kachāng, sirā saikora khayang tharān;

⁴ nana hiyākha ningkasang mikumo hi khida, kala nana miwui naomayarawui vāng phaningkhami hi khida?

⁵ Chithālala ali nana Vareli kateokha suitāmeida sākhui, tekhamatei eina khayā ngashomda ngahonmi.

⁶ Napāng eina sākahai otbingwuitungli akhavā sāngasaka; ot saikora awui pheizingli haimi,

⁷ yao kala mukvā saikora, tampākli khalei sāyurbing,

⁸ khamasaili yongkazat vānaobing, ngayilungli khalei khaihla kala shamadrutungli kanung-kānvāda kazat ayāyāva̱la nana awui pheizingli haimi.

⁹ O Proho, ithumwui Proho, okathui kuimareida naming teokha hakmahāle!