LAA 67 - Kathara Bible (BSI)

Ningkashi Khami Laa

¹ Varena ithumli lumashanmiranu, kala somiranu, kala awui mai ithumwuitungli hormiranu,

² chithāda nawui apong okathuili theikhuipaira, nawui huikhami pangshap miyur saikorawui alungli theikhuipaira.

³ O Varivara, mibingna nali masot miranu, mi saikorana nali masot miranu!

⁴ Miyurbingna mathānranu kala ringkaphāwui vang laa sāranu, kaja nana miyurbingli ngaraichāda bichar sāmi, kala miyurbingli okathui hili thānmi.

⁵ O Vare, yurbingna nali masochikatranu; yur saikora nali masochikatranu!

⁶ Ngaleina theishirai shokngasaka; Vare, ithumwui Varena ithumli somihaira.

⁷ Varena ithumli latluida somiranu; okathui hupta ali ngacheeranu.