LAA 61 - Kathara Bible (BSI)

Ngākmi khavai Seihā

¹ O Varivara, iwui khavao shāmilu, iwui seihā kasā nganāmilu;

² okathui akatangwui eina ina nali vaowa, iwui ning ngazan kahai tharan. Ili juikhamei lunghār chili nana kathānvamilu;

³ Kaja na iwui ngayin khavaina, yangkashebingwui eina ngākmi khavai kapanga dolanna.

⁴ Nawui kachonshimli katang mavaila I okthuiga! Iyavo, nawui angachāng khaya̱li ning nganungkhunghaisi kaje chāng!

⁵ Kaja O Vare, nana iwui khangashitbing shāhaira, namingli khangachee athumwui shimlui nana ili mihaira.

⁶ Awungawui mirin okpei ngasakmilu; thot saikorali aming leichingranu!

⁷ Varewui mangāli awunga sāchingranu; makhangachei leikashi kala ningkatongna yangmichingranu!

⁸ Chithāda thangkachida ina namingli masotlaa sāchingra, Ina thang-thang khangashit kasā eina ngasoda.