LAA 43 - Kathara Bible (BSI)

Ngatangmi khavai Kapo

¹ O Vare, ili mashun hāngsangmilu, shitkasang makhalei yurwui eina, ili nganingmilu; mikhanama kala makhamashunga mibingwui eina ili kakhāngshokmilu.

² Kaja iwui ngayin khavai Vare chi, nalaka, khisāda ili horhaokhala? Yangkashebingna rekakharekwui vang khisāda I chapngachāzatrakhala?

³ Iyavo, nawui kahor kala khamashung chihomida, athumna ili thānmiranu. nawui kathara kaphungli kala nawui somkhavai chili athumna ili kathānung ngasakmilu.

⁴ Chieina ina Varewui hanphutli kāra, iwui mathānkhamatai Vareli; kala ina tingteilā khongda nali masochikatra, O Vare, iwui Vare.

⁵ O imanglā, khisāda sifakhala, khisāda iningli chingri makahaikhala? Vareli chihānlu; kaja ina ali masot chikatluishitra, iwui ngachonkhame kala iwui Vare.