LAA 15 - Kathara Bible (BSI)

Varewui Ningkachāng

¹ O Proho nawui kachonshimli khipāna leirakhala? Nawui kathara kaphungli khipāna pamrakhala?

² Ningkathar eina kazata, khamashung eina kasaa, kala wuklung eina khamashung tui khamatuia;

³ male eina makhamashāta, ngasotnaoli makaphā makasā, kala awui khongnaiali khayon makaphena;

⁴ awui mikyanli makaphāli ningkakachaiya, kha Proholi khangacheebingli khayākashe; kakhanang kayākha rālala ngashit kahai chieina makhangacheia;

⁵ pheisā tarkhui khavai makachishuta, kala khayon makhaleiya mibingwui eina pheiza makazā, mi china sompamra. Hikathā kasā mibing chi mangatha̱lakmara.