LAA 149 - Kathara Bible (BSI)

Masot Khamiwui Laa

¹ Proholi solu! Proholi laa kadhar akha sālu! Shitkasangabing kazipli masotlaa sālu!

² Israelna ali kasaali mathānranu! Zionwui mibingna athumwui Awungali mathānranu!

³ Pheijak eina ngasoda amingli athumna sochikatranu, timbrel kala mazui khongda nimshimri kahai laa sālu!

⁴ Kaja Prohona awui mibingli ningyāng unga; malungkhanimbingli maiyāda yuingasaka.

⁵ Shitkasang ningkatongbingna tekhamatei eina soranu! khamathānwui vang athumwuipamli laa sāranu!

⁶ Vareli athumna masot kachikat panglāk eina vaoranu, zankhangasung raighai pāngli singda,

⁷ miyurbingli athut khuikhavai, mibingli hāngmachin khavai,

⁸ athumwui wungnaobingli mari khānghui eina khalap khavai, kala athumwui wungnaobingli mari eina narkhavai,

⁹ kapi kahai bichar chi sākhavai! Shitkasang saikorawui vang hi tekhamateina. Proholi solu!