LAA 142 - Kathara Bible (BSI)

Ngachonmi khavai Seihā

¹ Ina Proholi iwui akhon eina ngakaowa, iwui akhon eina ngasoda ina Proholi poi;

² Iwui maringkaphā awui mangāli phongshoka, Iwui kakhanang ali hānga.

³ Imanglā vānkahai tharan, iwui apong nana thei! Ina kazata shongfali athumna iwui vang khalen ngathumda sanga.

⁴ Ina yāshong kapeivāda yanga, kha ili theikhami khipākha maleimana; iwui ngayin khavai maleiluimana, khipākhana ili maphaningmimana.

⁵ O Proho, ina nali ngakaowa; ina hānga, na iwui ngayin khavaina kharingabingwui ramli iwui yarna.

⁶ Iwui khangakao kashāmilu; kaja I kakhananglungli ngaphumhaira; Ili rekakharekbingwui eina kakanshokmilu, kaja athum iwui vang pangnāhaowa.

⁷ Phātopwui eina ili khuishokmilu, chieina namingli ina ningkashi mira! Khamashungabingna ili kuinamra; kaja nana ili mavātlakla sāmira.