LAA 130 - Kathara Bible (BSI)

Ngachonmi khavai Seihā

¹ O Proho, kathukawui eina ina nali khangakaona!

² Proho, iwui akhon kashāmilu! iwui kapokhon hili nāshungilu!

³ O Proho, nana khayonkhamāng phaningchingsi kaja, Proho, khipāna nganingrarrakhala?

⁴ Kha nali ngacheepai khavai, nawui huikhami lei.

⁵ Ina Proholi hona, imanglāna hona; kala awui tuili ina chihāna;

⁶ Imanglana Proholi hona, khamayonana kazing kathang kahonli lāngmeida, khamayonana kazing kathangli lāngmeida kahon thada.

⁷ O Israel, Proholi chihānlu! Kaja Prohowuili makhangachei leikashi lei, kala awuili huikhamila sorngasaida lei.

⁸ Khayonkhamāng saikorawui eina Israelli ana huimira.