LAA 13 - Kathara Bible (BSI)

Ngachonmi khavai Seihā

¹ Karankharakhala, O Proho? Nana ili malaichaohaorala? Karankha namai iwui eina thumhaorakhala?

² Karankha imanglāli khangashei khāngpamda thangkachida iningli khanangchingrakhala? Karankha iwuitungli yangkashena mathānrakhala?

³ Phaningmida ili khanganāmilu, O Proho, iwui Vare; imik mathing ngasakmilu, kathi apet eina I pivāhaipaishina;

⁴ “Ali ina yuihaira” da iwui yangkashena hāngpaishina, khikhalajila I kongluihaida yangkashena mathānpaishina.

⁵ Kha nawui makhangachei leikashili ina ning horsanghaira, nawui huikhami alungli iwui wuklungna mathānra.

⁶ Proholi ina laa sāra, khikhalajila ana ili mavāt ngasakmana.