LAA 128 - Kathara Bible (BSI)

Proho wui Kahāng Khanganāwui Saman

¹ Proholi khangachee, awui apongli kazata mi kachiva̱ sokhamina!

² Napāngna khanangda ot kasā chiwui heithei nana zāra; na ringphahaora, kala china kaphā ngasāra.

³ Nawui shilungli napreiva̱̱ chi athei pemta khamathei drakhārong kathā ngasāra; nanaongarā nawui table kuimareida kahai oliveshonbing thāhaora.

⁴ Yanglu, chithāda Proholi khangachee mi chi sokhamina!

⁵ Zionwui eina nathumli Prohona somi! Nathum mirin peida Jerusalemwui leikhayā theiranu!

⁶ Nanao ngarāwui naongarāli kathei samphangranu! Israelwuitungli chingrihairanu!