LAA 127 - Kathara Bible (BSI)

Varewui Kaphāli Masotkhami

¹ Prohona shim chi masāmiakha, shim kasābing chiwui ngalang aremana. Prohona keinung chi mamayonmiakha, keinung khamayona china mayonthailala aremana.

² Nana thorlak eina ngakarthui, huilak eina pilaga ningkashaklak eina vākasangwui kashakazā kazā aremana; kaja awui ngahānkhangaiali ana pikhui ngasaka.

³ Yanglu, naomayara ngarā hi Prohowui shimluina, naopamwui athei sāmanna.

⁴ Yaronlakhawui naomayara ngarā raikapinga akhawui pāngli khalei malātheira̱ kathāna.

⁵ Chikathāna malākhong pemda khalei mi chi ringphai! Ngaveili awui yangkasheli chānkasā tharan ali maimashi ngasakmara.