LAA 126 - Kathara Bible (BSI)

Kanshokmi khavai Seihā

¹ Prohona Zionwui lan hankhami tharan, ithum mang kashiman thāda leisai.

² Chieina ithumna khamor makāda mana̱ya, kala ithumwui male eina mathānda vaowa; chieina athumna miyurbingwui alungli hithāda hānga, “Prohona athumwui vang kahaka ot sāmihaira.”

³ Prohona ithumwui vang ot kahakva sāmihaira; ithum ringphai.

⁴ O Proho, Negebwui tara̱ khalong thāda, ithumwui lan hanmiluishitlu!

⁵ Chara̱ eina yaokahaibing china, khamathān eina hātkhuiranu!

⁶ Athā yaokhavaiwui vang phunglaga chapkazatbing chi, māvam phungda mathānda khavao eina ngasoda shimli ungra.