LAA 125 - Kathara Bible (BSI)Varewui Mibingwui Ningkhanganung 1 Proholi shitkasangbing, khangachei makhalei, katang makhavai Zion Kaphung kathāna. 2 Kaphungna Jerusalemli kuikhanam thāda, Prohonala awui mibingli kuinammi, arui eina thuida katang makhavai eina tangda. 3 Kaja makaphābingwui khānthingna, khamashungbingli mikahai ngalei chili mamungmara, maningsi kaja katharabingna athum pāng zangda khayon ot sāhaipai. 4 O Proho, kaphaa athumli, kala ning khangatarbingli kaphā samilu! 5 Kha makaphā shongfali ngareithui kahaibingli, Prohona makaphā kasābingli ngasoda kashamshokhaora! Israel chingrihairanu! |
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
Bible Society of India