LAA 124 - Kathara Bible (BSI)

Awui Mibingli Ngākkhame Vare

¹ Ithumwuishong khaleiProho maningsāsi kaje, Israelna hithāda hāngranu—

² “Prohona ithumwui shong manganingmisāsi kaje, mina ithumli mamayāmada khangasung tharan,

³ ithumli athumna kharing eina mayuitāhairara; athumna ithumli malungkhavāt tharan;

⁴ tara̱ kaphongna ithumli khuithuihairara; pālongra̱na ithumli longrorhairara;

⁵ chithāsi kaja ithumli kapanga tara̱na kheithuihairara.”

⁶ Athumwui ahāwui vang sāshai sākhavai da ithumli mamikashoka, Proho chili soranu!

⁷ Khalen kasangawui eina vānao yāmkashok thāda, ithum yāmshokhaira; khalen chathaida, ithum yāmshokhaira.

⁸ Ithumwui ngachonmi khavai, kazing eina ngalei kasā Prohowui mingli lei.