LAA 122 - Kathara Bible (BSI)

Jerusalemwui vang Masot Khami

¹ “Prohowui shimli vausa” da athumna ili kahāng tharan ina ringphai!

² O Jerusalem! nawui ngaveili ithum rānganinghaira!

³ Keinung thāda sākahai Jerusalem, ngaziplak eina sāhaira,

⁴ chili yurbingna vai, Prohowui yurbing, Israelwui vang kaso kahai chithāda, Proho mingli ningkashi mi khavaina.

⁵ Chili bichar sākhavai wungpamkhong haili, Davidwui shimkhurwui wungpamkhong.

⁶ Jerusalem chingrihai khavai seihā sālu, “Nali leikashibing ringphameiranu!

⁷ Nawui keinunglungli chingrihairanu, kala raikān tāronglungli ning tāphuphairanu!”

⁸ Ichināngarā, ngasotnaobingwui vang; Ina, “Nali chingrihairanu” da hāngra.

⁹ Ithumwui Proho Varewui shimkhurwui vang, nawui kapha ina phākhuira.