LAA 120 - Kathara Bible (BSI)

Ngachonmi khavai Seihā

¹ Ningkachot tharan ina Proholi ngakaowa; ana ili ngahānkāmi khavai;

² “O Proho kakapik morchaiwui eina, kachipat malewui eina ili kanmilu.”

³ Nali khi mirakhala? Kala hili lāngda khi samirakhala kakapika male eina?

⁴ Raikapingawui kazana malāthing, meithā thāda khamaringa!

⁵ Meshechli ina ram kazat, Kedarwui kachon shimli ngayurkapam iwui kalākashi!

⁶ Chingri kahai yangkakharingbingli I sāngnā ngayurpamhaira.

⁷ Ina chingri kahai ningchanga. Kha ina khamatui tharan, athumna raiwui tui matui!