LAA 100 - Kathara Bible (BSI)Masot Khamiwui Laa 1 Ngalei hupva̱na Proholi mathānda vaolu! 2 Proholi mathānthup otram ngatha̱lu! Laasak ngasha̱da awui mangāli rālu. 3 Proho hi Varena kaji theilu! Ithumli kasaa chi ana, ithum awuina; ithum awui mibingna, kala awui seihomphungwui yaonaobingna. 4 Awui ngaveili ningkashi khami eina ngasoda zanglu, kala awui kayāngli masot eina ngasoda! Ali ningshilu, amingli solu! 5 Kaja Proho hi kaphaana; awui makhangachei leikashi chichinga, kala awui ningkatong chi thot kachida mangacheimana. |
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
Bible Society of India