JOSHUA 12 - Kathara Bible (BSI)

Mosesna Yuikahai Awungabing

¹ Chitharan Israelwui mibingna Jordan makānda zimikshoshong Arnon tampāk eina thuilaga Harmon Kaphung vāshungda, kala zingshovāk khalei Arabahwui ngalei saikora yuikahai ngaleiwui awungabing, kala athumna khui kahai ngaleibing chi hina:

² Heshbonli kapama Amorwui awunga Sihon, ana Arnon tampākwui akatangli khalei Aroer eina thuida kala chiwui tampāk, kala tampāk alungthung chieina thuilaga Jabbok kong vāshungda Ammonbingwui thari, chiya, Gilead tangkhai,

³ kala Arabah eina thuilaga Chinneroth Ngayi zingshovāk, kala Beth-jeshimothshong eina Arabahwui shamadru, Salt Sea vāshungda, azingshong Pisgah kaphungpheili khalei ram chi vāshungda mungsai,

⁴ kala Bashanwui awunga Og, Ashtaroth eina Edre-ili pamkasā Rephaimwui shāk kahai yur akhana

⁵ kala ana Harmon Kaphung eina Salecah kala Bashan saikora Geshurbing kala Ma-acathwui thari tāshunga, kala Gilead tangkhai eina thuilaga Heshbonwui awunga Sihonwui thari eina tangda hibingwuitungli mungsai.

⁶ Prohowui rao Moses, kala Israelwui mibingna raili athumli yuihaowa; kala Prohowui rao Mosesna ngalei chi Reuben shang, Gad shang, kala Manasseh shang tangkhaili shimlui sākhavai mihaowa.

Joshuana Yuikakhui Awungabing

⁷ Kala Joshua eina Israelwui mibingna yuikakhui ngalei chiwui awungabing, Jordan zingtunvāk khalei chi hina: Lebanon Leiwukli khalei Baal-gad eina thuida Seir vākhangasun Halak Kaphung vāshunga (kala Israel shangbingwui shimlui sākhavai Joshuana ngayarmi kahai ngaleibingna,

⁸ kaphungram, angakoram, Arabah alungli khalei, kaphungpheili khalei, lamhāngli khalei kala Negeb alungli khalei, Hitnaobing, Amornaobing, Canaannaobing, Periznaobing, Hivnaobing kala Jebusnaobingwui ngaleibing hina):

⁹ Jerichowui awunga, akha: Bethel ngalemli khalei, Ai awunga akha;

¹⁰ Jerusalemwui awunga, akha; Hebronwui awunga, akha,

¹¹ Jarmuthwui awunga, akha; Lachishwui awunga, akha;

¹² Eglonwui awunga, akha; Gezerwui awunga, akha;

¹³ Debirwui awunga, akha; Gederwui awunga, akha;

¹⁴ Hormahwui awunga, akha; Aradwui awunga, akha;

¹⁵ Libnahwui awunga, akha; Adullamwui awunga, akha;

¹⁶ Makkedahwui awunga, akha; Bethelwui awunga, akha;

¹⁷ Tappuahwui awunga, akha; Hepherwui awunga, akha;

¹⁸ Aphekwui awunga, akha; Lasharonwui awunga, akha;

¹⁹ Madonwui awunga, akha; Hazorwui awunga, akha;

²⁰ Shimron-meronwui awunga, akha; Achshaphwui awunga, akha;

²¹ Taanachwui awunga, akha; Megiddowui awunga, akha;

²² Kedeshwui awunga, akha; Carmelli khalei Jokne-amwui awunga, akha;

²³ Naphath-dorli khalei Dorwui awunga, akha; Galileeli khalei Goiimwui awunga,

²⁴ Tirzahwui awunga, akha: awunga saikora, thumrāda akhana.