HAOKAPHOK 36 - Kathara Bible (BSI)

Esauwui Naotunbing

¹ Hi Esau (chiya, Edom) wui naotunbingna.

² Esauna Canaanlā khui: Hitpa Elonwui naongalāva̱ Adah, Hivpā Zibeonwui naomayara Anahwui naongalāva̱ Oholibamah,

³ kala Nebaiothwui azarva̱, Ishmaelwui naongalāva̱ Basemath.

⁴ Adahna Esauli Eliphaz pharāmi; Basemathna Reuelli pharai;

⁵ kala Oholibamahna Jeush, Jalam, kala Corahli pharai. Athumhi Esauna Canaanli leilakha kapharāna.

⁶ Chiwui thili Esauna apreiva̱ ngarā, naomayara ngarā, kala naongalāva̱ ngarā, awui shimkhur mibing, sei, sha̱kei, ana Canaanramli samkaphang lan saikora khuiphunglaga, agato Jacobwui eina ram khangateili vāhaowa.

⁷ Kaja aniwui sha̱kei chungnā leikahaiwui vang anina kapam apam chili mapamrumpaithuwa.

⁸ Chiwui vang Esauna Edomwui Seir phungrei ngaleili apanhaowa; Esau Edomna.

⁹ Seir phungreili Edomnaobingwui avāva̱ Esauwui naotunbing hina.

¹⁰ Hi Esauwui naomayara ngarāwui amingna: Esauwui preiva̱ Adahwui naomayara Eliphaz, Esauwui preiva̱ Basemathwui naomayara Reuel.

¹¹ Eliphazwui naomayara ngarā chi Teman, Omar, Zepho, Gatam, kala Kenaz athumna.

¹² (Timnana Esauwui naomayara Eliphazwui angashirva̱na; ana Eliphazli Amalek pharāmi). Athum hi Esauwui preiva̱ Adahna kapharā naomayara ngarāna.

¹³ Hibing hina Reuelwui naomayara ngarāna: Nahath, Zerah, Shammah, kala Mizzah athumna. Hi Esau preiva̱ Basemathwui naomayara ngarāna.

¹⁴ Esauwui preiva̱ Zibeonwui naomayara Anahwui naongalāva̱ Oholibamahwui naomayara ngarā: ana Jeush, Jalam kala Corahli pharai.

¹⁵ Esauwui naomayara ngarāwui shangbing chi hina; Esauwui naomayara naochizai Eliphazwui naomayara khararbing chi Teman, Omar, Zepho, Kenaz,

¹⁶ Corah, Gatam kala Amalek athum hina; Edom ngaleili Eliphaz shangwui wungva̱bingna, kala athum hi Adahwui naomayarabingna.

¹⁷ Athum hi Esauwui naomayara Reuelwui naomayarabingna: khararabing chi Nahath, Zerah, Shammah, kala Mizzah hina; athum hi Edomwui ramli Reuelwui khararabing china; athum hi Esauwui preiva̱ Basemathwui naomayarabingna.

¹⁸ Athum hi Esau preiva̱ Oholibamahwui naomayarabingna: khararbing chi Jeush, Jalam, kala Corahna; athum hi Esauwui preiva̱ Anahna kapharā khararbingna.

¹⁹ Hibing hi Esau (chiya, Edom)wui naomayarabingna, kala athumwui khararabingna.

²⁰ Ram chili kapāna Horpa Seirwui naomayarabingna: Lotan, Shobal, Zibeon, Anah,

²¹ Dishon, Ezer, kala Dishan hina; Edom ngaleili khalei Seirwui naomayarabing Horwui khararabingna.

²² Lotanwui naomayarabing chi Hori eina Hemanna; kala Lotanwui azarva̱ Timnana.

²³ Hibing hi Shobalwui naomayarabingna: Alvan, Manahath, Ebal, Shepho, kala Onam.

²⁴ Hi Zibeonwui naomayarabingna: Aiah eina Anah; avāva̱ Zibeonwui gadhābing homlakha lamhāngli ura̱-kasā phakakhui chi Anahna.

²⁵ Hi Anahwui naomayarabingna: Dishon kala Oholibamah Anahwui naongalāva̱.

²⁶ Hi Dishonwui naomayarabingna: Hemdan, Eshban, Ithran, kala Kheran hina.

²⁷ Hi Ezerwui naomayarabingna: Bilhan, Zaavan kala Akan.

²⁸ Hi Dishonwui naomayarabingna: Uz eina Aran.

²⁹ Athum hi Horbingwui khararabingna: khararabing chi Lotan, Shobal, Zibeon, Anah,

³⁰ Dishon, Ezer, kala Dishan hina; Seirwui ramli athum shangwui athishurda, athum hi Horbingwui khararabingna.

Edomwui Awungabing

³¹ Israelnaobingli awunga khipānakha mamungranglakha Edom ramli mungkasa awungabingna.

³² Beorwui naomayara Belana Edomli mungsai, kala awui keinungli Dinhabah hoi.

³³ Bela thihaoda awui pamli Bozrahwui Zerahwui naomayara Jobabna munga.

³⁴ Jobab thihaida Teman ngaleiwui Hushamna awui pam khui.

³⁵ Husham thihaida Moab ngaleiwui Midianli khayuiya Bedadwui naomayara Hadadna munga kala awui keinung aming Avith hoi.

³⁶ Hadad thihaida awui pamli Masrekahwui Samlahna munga.

³⁷ Samlah thihaida awui pamli Euphratesli khalei Rehobothwui Shaulna munga.

³⁸ Shaul thihaida awui pamli Achborwui naomayara Baal-hananna munga.

³⁹ Achborwui naomayara Baal-hanan thihaida awui pamli Hadarna munga; kala awui keinungwui aming Pau hoi; Mezahabwui naongalāva̱ Matredwui naongalāva̱ Mehetabel chi apreiva̱wui mingna.

⁴⁰ Shimkhurwui kala apam apam athishurda Esauwui khararabingwui aming chi hina: khararabing chiya Timna, Alvah Jetheth,

⁴¹ Oholibamah, Elah, Pinon,

⁴² Kenaz, Teman, Mibzar,

⁴³ Magtiel, kala Iram hina; athumwui pamkhavai aming athishurda hi Edom (chiya, Esau, Edomwui avāva̱) wui khararabingna.