HAOKAPHOK 10 - Kathara Bible (BSI)

Noahwui Naongarāwui Ara̱-azā

¹ Hi Noahwui naongarā Shem, Ham, kala Japhethwui naotunbing chi hithai; ra̱phongwui thili athumwui nao mayarnao kachungkha pharai.

² Japhethwui naotunbing: Gomer, Magog, Madai, Javan, Tubal, Meshech kala Tiras.

³ Gomerwui naotunbing; Ashkenaz, Riphath kala Togarmah.

⁴ Javanwui naotunbing: Elishah, Tarshish, Kittim, kala Dodanim.

⁵ Ngayipheili kasombing chi athumwui eina khangayaona. Japhethwui naomayara ngarā, athum kachichāwui ngaleili, kachichā shimkhurna yur sāda kachichāwui tuiyur matui.

⁶ Hamwui naotunbing: Cush, Egypt, Put kala Canaan.

⁷ Cushwui naotunbing: Seba, Havilah, Sabtah, Raamah kala Sabteca. Ramahwui naotunbing: Sheba eina Dedan.

⁸ Cushna Nimrodli pharai; kala ana okathuili kapanga miwui ngachaili kharena.

⁹ Prohowui miktāli kapanga sā rengkathei akhana, chieina “Prohowui miktāli sā rengkathei Nimrod kathā” da chānsam sāsai.

¹⁰ Awui awunga ngalei haokaphok chi Babel, Erech, kala Accad hibing hina, saikora hi Shinar ngaleili lei.

¹¹ Ngalei chiwui eina ana Assyriali vālaga Nineveh, Rehoboth-Ir, Calah, kala

¹² Nineveh eina Calahwui ngachaili khalei Resen kaho kahaka keinung chi asākai.

¹³ Egyptna Ludim, Anamim, Lehabim, Naph-tuhim,

¹⁴ Pathrusim, Casluhim (awui eina Philistinenaobing shoka), kala Caphtorimwui avāva̱na.

¹⁵ Canaan hina pharākhare Sidonwui avāva̱na, chiwui thili Hethli pharai,

¹⁶ kala Jebusbing, Amorbing, Girgashbing,

¹⁷ Hivbing, Arkbing, Sinbing,

¹⁸ Arvadbing, Zemarbing kala Hamatshina. Chiwui thili Canaanwui shimkhurbing apam kachida ngayaovai.

¹⁹ Kala Canaannaobingwui ram Gerarwui Sidon eina thuilaga Gaza vāshung kala Sodomshong Gomorrah, Admah, kala Zeboiim, Lasha eina tangda vāshunga.

²⁰ Hi Hamwui naomayara ngarā, shimkhurbing, athumwui tuibing, kala athumwui ngaleibing kala athumwui miyurbingna.

²¹ Shem, Japhethwui ama, Eberwui naongarāwui avāva̱la nao kachungkha pharai.

²² Shemwui naomayara ngarā: Elam, Asshur, Arpachshad, Lud kala Aram.

²³ Aramwui naomayara ngarā: Uz, Hul, Gether kala Mash.

²⁴ Arpachshadna Shelahli pharai; kala Shelahna Eberli pharai.

²⁵ Eberna mayarnao khani pharai; akhawui ming Peleg hoi, kaja awui atamli okathui hi ngayarkhaihaowa, kala achināwui aming Joktan hoi.

²⁶ Joktanna Almodad, Sheleph, Hazarmaveth, Jerah,

²⁷ Hadoram, Uzal, Diklah,

²⁸ Obal, Abima-el, Sheba,

²⁹ Ophir Havilah, kala Jobab athumli pharai; saikora hi Joktanwui naosera.

³⁰ Athumna kapāna ram Shepharshong Mesha eina thuilaga zimikshoshongwui phungrei hupta vāshunga.

³¹ Hi Shemwui naomayara ngarā, shimkhurbing, athumwui tuibing, athumwui ngaleibing kala athum miyurbingna.

³² Hi Noahwui naomayara ngarāwui shimkhursera, athumwui mithot kala miyur athishurda, kala hiwui eina thuida okathuili miyur ngayaovāser kajina.