EZRA 2 - Kathara Bible (BSI)

Phātop eina Hankhaung

¹ Babylonwui awunga Nebuchadnezzarna Babylonli tukvā kahaibing, kachichāramli kaja Jerusalemli, Judahli latkhaung athum chi hibingna.

² Athumna Zerubbabel, Jeshua, Nehemiah, Seraiah, Reel-aiah, Mordecai, Bilshan, Mispar, Bigvai, Rehum kala Baanahlongli ngasounga. Israelnaobingwui mashing:

³ Paroshshi thingkhani shākha hangshinida khani.

⁴ Shephatiahwui naomayarabing, shākathum hangshinida khani.

⁵ Arahwui naomayarabing, shāshini hangshinida phangā.

⁶ Pahath-moahwui naomayarabing, kaja Jeshua kala Joabwui naomayarabing thingkhani shāchishat tharāda khani.

⁷ Elamwui naomayarabing, thingkha shākhani hangphangāda mati.

⁸ Zattuwui naomayarabing, shāchiko hangmatida phangā.

⁹ Zaccaiwui naomayarabing, shāshini hangtharuk.

¹⁰ Baniwui naomayarabing, shātharuk hangmatida khani.

¹¹ Bebaiwui naomayarabing, shātharuk maga̱da kathum.

¹² Azgadwui naomayarabing, thingkha shākhani maga̱da khani.

¹³ Adonikamwui naomayarabing, shātharuk hangtharukta tharuk.

¹⁴ Bigvaiwui naomayarabing, thingkhani hangphangāda tharuk.

¹⁵ Adinwui naomayarabing, shāmati hangphangāda mati.

¹⁶ Aterwui naomayarabing, kaja Hezekiahwui naomayarabing, hangchikoda chishat.

¹⁷ Bezaiwui naomayarabing, shākathum maga̱da kathum.

¹⁸ Jorahwui naomayarabing, shākha tharāda khani.

¹⁹ Hashumwui naomayarabing, shakhani maga̱da kathum.

²⁰ Gibbarwui naomayarabing, hangchikota phangā.

²¹ Bethlehemwui naomayarabing, shākha maga̱da kathum.

²² Netophahwui mibing, hangphangāda tharuk.

²³ Anathothwui naotunbing, shākha maga̱da chishat.

²⁴ Azmavethwui naotunbing, hangmatida khani.

²⁵ Kiriatharim, Chephirah kala Be-erothwui naotunbing, shāshini hangmatida kathum.

²⁶ Ramah eina Gebawui naotunbing, shātharuk maga̱da akha.

²⁷ Michmaswui naotunbing, shākha maga̱da khani.

²⁸ Bethal eina Aiwui naotunbing, shākhani maga̱da kathum.

²⁹ Nebowui naotunbing, hangphangāda khani.

³⁰ Magbishwui naotunbing, shākha hangphangāda tharuk.

³¹ Elam akhapāwui naotunbing, thingkha shākhani hangphangāda mati.

³² Harimwui naotunbing, shākathum maga̱.

³³ Lod, Hadid kala Onowui naotunbing, shāshini maga̱da phangā.

³⁴ Jerichowui naotunbing, shākathum hangmatida phangā.

³⁵ Senaahwui naotunbing, thingkathum shātharuk thumrā.

³⁶ Pāngmonbing: Jeshuawui shimkhur Jedaiahwui naotunbing, shāchiko hangshinida kathum.

³⁷ Immerwui naotunbing, thingkha hangphangāda khani.

³⁸ Pashhurwui naotunbing, thingkha shākhani hangmatida shini.

³⁹ Harimwui naotunbing, thingkha tharāda shini.

⁴⁰ Levinaobing: Hodaviahwui naomayara Jeshua eina Kadmielwui naotunbing, hangshinida mati.

⁴¹ Laa kasābing: Asaphwui naotunbing, shākha maga̱da chishat.

⁴² Ngavei khamayonbing: Shallum, Ater, Talmon, Akkub, Hatita, kala Shobai athumwui naotunbing kaziplaga shākha thumrāda chiko.

⁴³ Khorumshimli otram khangathabing: Zihawui naotunbing, Hasuphawui naotunbing, Tabbaothwui naotunbing,

⁴⁴ Keroswui naotunbing, Siahawui naotunbing, Padonwui naotunbing,

⁴⁵ Lebanahwui naotunbing, Hagabahwui naotunbing, Akkubwui naotunbing,

⁴⁶ Hagabwui naotunbing, Shamlai, Hanan,

⁴⁷ Giddelwui naotunbing, Gaharwui naotunbing, Re-aiahwui naotunbing,

⁴⁸ Rezinwui naotunbing, Necodawui naotunbing, Gazzamwui naotunbing,

⁴⁹ Uzzawui naotunbing, Paseahwui naotunbing, Besaiwui naotunbing,

⁵⁰ Asnahwui naotunbing, Me-unimwui naotunbing, Nephisimwui naotunbing,

⁵¹ Bakbukwui naotunbing, Hakuphawui naotunbing, Harhurwui naotunbing,

⁵² Bazluthwui naotunbing, Mehidawui naotunbing, Harshawui naotunbing,

⁵³ Barkoswui naotunbing, Siserawui naotunbing, Temahwui naotunbing,

⁵⁴ Neziahwui naotunbing, kala Hatiphawui naotunbing.

⁵⁵ Solomonwui raobingwui naotunbing: Sotaiwui naotunbing, Hassopherethwui naotunbing, Perudawui naotunbing,

⁵⁶ Jaalahwui naotunbing, Darkonwui naotunbing, Giddelwui naotunbing,

⁵⁷ Shephatiahwui naotunbing, Hattilwui naotunbing, Pochereth-hazzebaimwui naotunbing kala Amiwui naotunbing.

⁵⁸ Khorumshimwui otram khangatha̱bing kala Solomonwui raobingwui naotunbing saikora shākathum hangchikoda khani.

⁵⁹ Tel-melah, Tel-harsha, Cherub, Addan kala Immerwui eina kharābing awo-ayi kala shimkhur kachangkhat hina kaji makathei, Israelnaoka maningmakhala kaji mahangkharar athum chi hina.

⁶⁰ Delaiahwui naotuning, Tobiahwui naobing, Necodawui naotunbing: shātharuk hangphangāda khani.

⁶¹ Kala pāngmonbingwui naotunbing: Habaiahwui naobing, Hakkozwui naotunbing kala Barzillaiwui naobing (Gileadli khalei Barzillaiwui nao ngalāva̱bingli ngakhothaoda athumwui mingpho eina hoi).

⁶² Athumna shimkhur akhawui eina kharāna da athumwui aming ayanga, kha lairikli masamphangthuda mamayāthuwa, chieina athumli makathara yurnada pāngmonwui eina khuishokhaowa;

⁶³ kala lammungana athumli hānga kaja Urim eina Thummim yangmi khavai pāngmon akha maleiranglakha athumna tharmathengmeikap kaji ot chi mashaipaimana.

⁶⁴ Kazip katonga ngarumlaga thinghangmatida khani shākathum hangtharukna,

⁶⁵ chili lāngda athumwui rao sha̱naola mayarnaola thingshini shākathum thumrāda shini leisai; kala athumna laa kasābing sha̱nao mayarnao shākhani leisai.

⁶⁶ Athumwui sigui shāshini thumrāda tharukna, kala gadhā shākhani hangmatida phangā,

⁶⁷ athumwui ut shāmati thumrāda phangā kala gadhā thingtharuk shāshini maga̱na.

⁶⁸ Shimkhurwui wungva̱ kaikhana Jerusalemli khalei Prohowui shimli khaung tharan apam chili Varewui shim sākhavai mikhangangai chigat ngaroka;

⁶⁹ kachichāwui sakashap athishurda ot chiwui lan kazipli sinā tolla thinghangtharukta akha, mina lupāsā thingphangā, kala pāngmon shākhawui kachon chigata.

⁷⁰ Pāngmonbing, Levinaobing, kala mi kaikhana Jerusalemli kala chiwui ngalemli pama; laa kasābing, ngavei khamayonbing, khorumshimli otram khangatha̱bingna athumwui keinungli, kala Israel saikorana athumwui keinungli pamhaowa.