CHĀNSAM 13 - Kathara Bible (BSI)

¹ Thangkhama naomayarana avāva̱wui tamkachithei nganai, kha mana̱shikazārna hāngkhamachinli manganāsangmana.

² Akhamorwui atheiwui eina kaphā mina kaphā shai, kha mikhanamawui ningkachāng khangashaomāngna.

³ Khamorli khangarin mina awui mirin phārihai, morsham makhavai mi chi kashimānli zanga.

⁴ Chāngshewui ningna ningchāngphāphai kha khikha masamphangmana; chitharab khamakhunawui manglāli kachungkha ngarumsangmi.

⁵ Khangaronga mina makhamashung otli yangkharinga, kha makhayā mina khayaklak eina kala maishilak eina otsai.

⁶ Khangatara mili awui khangarongna kanmi, kha makhayāli moreina yui.

⁷ Mi akhana shāngreka, kha khikha mangavāmana; khangatei akhana chāmreka, kha lan kachungkha lei.

⁸ Mi akhawui mirin ngatangman awui lanna, kha kachāma chiya ngatangmi khavai maleimana.

⁹ Khangarongawui kahorna mathāna, kha makhayāwui thaomei sāshimithaora.

¹⁰ Mahengkasangana achei matheila khanganang shoka, kha hāngkachithei khuikasangbing chi thangkhameina.

¹¹ Hunkhali samkaphang lan shimān ngalāngra, kha teomamei kazipkakhui china mataisang mamānra.

¹² Kachihān kaikahaina ning kazā ngasaka, kha ningkachāng ungkashung chi mirinwui thingrongna.

¹³ Tui makhuikasanga chi khalatta kashimān khuirāra; kha ningkhamili khayākashi mili sāman mira.

¹⁴ Thangkhamawui tamkachithei mirinwui ura̱na, china kathi khalenwui eina yāmshokshapa.

¹⁵ Kaphā ningna ngahānkhangai samphanga, kha mashitkasangawui shongfa athumwui kashimāna.

¹⁶ Ots kachiva̱li thangkhamana awor eina sai, kha mangkhama̱na awui mangkhama̱ hāngchitheizata.

¹⁷ Makaphā pao kaphungana mili khanang ngasaka, kha ningkatonga paophungmena kharai khuirāmi.

¹⁸ Hāngkachitheili matheikhami chile kachāmkhangai kala maishāt rāshunga, kha hāngkhamachin khuikasanga chili khayāshi.

¹⁹ Ningkachāng ungkashung hi wuklungli shima; kha makaphā apongwui eina ngareithuiki kaji mangkhama̱wui vang ningkakachai otna.

²⁰ Thangkhamei mibingli ngayurkazata a chi thangmei, kha mangkhama̱bingwui ngasotnao kakhanang samphangra.

²¹ Morei kaphungbingli kalākashina shurzata, kha khangarong mili khamathā ot eina sāman mi.

²² Kaphā mina naomayarawui ara̱-azāli shimlui haimi, kha morei kaphungbingwui lan khangarongbingwui vang kaziphai.

²³ Kachāmawui lamshālui heiun unglaka, kha makhamashung eina khuithui ngakānhaowa.

²⁴ Lijei makasinga mi chi anaoli yangkakharingna, kha naoli leikashi china themlāk eina rāka.

²⁵ Khangaronga mina awui thokhavai kachungkha lei, kha makhayāwui wuk masaichinga.