1 THOTRINCHĀN 9 - Kathara Bible (BSI)

Babylonwui eina Latkhaungbing

¹ Chithāda Israel saikora thot-thot shānkhuiserlaga Israelwui Awungabingwui Lairikli kapiserhai. Athumwui mashitkasangwui vang Judahshili Babylonli tukvāserhaowa.

² Athumwui ram keinungli ungpamluikharebing chiya, Israelnaobing, pāngmonbing, Levibing, kala Khorumshim khamayonbing china.

³ Kala Judah, Benjamin, Ephraim, Manassehwui mi kaikhana ngayarda Jerusalemli pāna.

⁴ Ammihudwui naomayara Uthai, Omriwui naomayara, Imriwui naomayara, Baniwui naomayara, Judahwui naomayara, Perezwui naomayarabingwui eina kharāna.

⁵ Shilopashi: Naochizai Asaiah kala awui naomayarabing.

⁶ Zerahwui naomayarabing: Jeuel kala athumwui theisābing, shātharuk hangchiko.

⁷ Benjaminshi: Meshullamwui nao Sallu, chiya Hodaviahwui nao, Hassenuahwui nao;

⁸ Jerohamwui nao Ibneiah, Uzziwui nao Elah, Michriwui nao kala Shephatiahwui nao Meshullam, Reuelwui nao, chiya Ibnijahwui nao;

⁹ athumwui athei-asā thot-thotwui athishurda shāchiko hangphangāda tharukna. Athum saikora hi avāva̱ ngarā shimkhurwui athishurda kathānabingna.

Jerusalemwui Pāngmon

¹⁰ Pāngmonbing: Jedaiah, Jehoiarib, Jachin,

¹¹ Hilkiahwui nao Azariah, Meshullamwui nao, Zadokwui nao, Meraiothwui nao, Varewui shimli otvabingwui kathāna kasā Ahitubwui nao;

¹² kala Jerohamwui nao Adaiah, Pashhurwui nao, Malchijahwui nao, Maasaiwui nao, Adi-elwui nao Jahzerahwui nao, Meshullamwui nao, Meshillemithwui nao, Immerwui nao,

¹³ athumwui theisāli lāngda, avāva̱ ngarā shimkhurwui kathānabing zangda thingkha shāshini hangtharukna, kala Varewui shimli otram ngatha̱mi kashapmānga.

Jerusalemwui Levibing

¹⁴ Levipashi: Hasshubwui naomayara Shemaiah, Azrikamwui naomayara, Hashabiahwui naomayara, Merariwui naomayarabing:

¹⁵ Bakbakkar, Heresh, Galal, Mathaniah; Micawui nao, Zichriwui nao, Asaphwui naona;

¹⁶ Shemaiahwui nao Obadiah, Galalwui nao, Jeduthunwui nao, kala Asawui nao Berechiah, Netophathshiwui kha̱li kasoma Elkanahwui nao.

Jerusalem Khamayonabing

¹⁷ Ngavei khamayonbing: Shallum, Akkub, Talmon, Ahiman, kala ashi theisābing (Shallumna kathānana),

¹⁸ athumna awungawui zingsho ngaveishong pama, Levibingwui shim khamayonabing chi hibingna.

¹⁹ Corewui nao Shallum, Ebiasaphwui nao, Corahwui nao, kala avāva̱ ngarā shimkhurwui theisābing, kaja Corahpashina otram khangatha̱wui ot sai, kala avāva̱ ngarāna Prohowui shim kala zangkhavai chi mayonkasa thāda athumna kachonshimwui khāmong zangkhavaila mayona.

²⁰ Thuikahai atamli Eleazarwui nao Phinehasna athumwui khamunga sāsai, kala Prohona ali ngasomisai.

²¹ Meshelemiahwui nao Zechariahna khorum khavai kachonshimwui zangkhavai khamayona sāsai.

²² Ngavei zangkhavai khamayona kapangkakhui athum shākhani tharāda khaniya. Athum thothotwui athishurda kachichā ramwui lairikli kapiserhaida lei. David eina marān Samuelna athumli sākharān otphun hi sāngasaka.

²³ Chiwui vang eina athumna kala athumwui naomayarabingna Prohowui shimwui ngavei, chiya kachonshimwui khamayona sāngasaka.

²⁴ Ngavei khamayonabing china achikun mati, zingsho, zingtun, atung, azingli mayona;

²⁵ kala athumwui theisābingna atam atam athishurda kashinethang ichichā ramwui eina rā-rā jiya;

²⁶ kaja, khamayonabingwui kathāna Levibing chi Khorumshimwui kābing kala lanshimla athumna mayona.

²⁷ Athumna Khorumshim khanganaili pi; kaja mayon khavai kala ngathor kachida chi shomi khavai otpam hila athumli chisina.

Khangatei Levinaobing

²⁸ Athumwui ngachaili kaikhana khorkhong singa, kaja khuikashok khuikazang tharan shānkhuiserser ji.

²⁹ Khangateibing china, pamkhong kathā, kathara khorkhong saikora, kala khamanaka mathir, drakhāra̱, thao, nganamkaphāphā otyur, hibing hi yangkhavai kapangkhui.

³⁰ Khangateibing, pāngmonwui naomayarabing kaikhana nganamkaphā otyur khamanāta sai.

³¹ Corahpa Shallumwui naochizai Mattithiah kaho Levi china khamui ahang kasema sai.

³² Kohathbingwui theisā kaikhana sabbath kachida tableli haikhavai maiyan khamui sai.

³³ Levibingwui avāva̱ ngarā shimkhurbingwui kathānabing khangatei ot masālakla Khorumshim lungli laa kasābing chi hina, kaja ngashun ngayā athumna otpamli lei.

³⁴ Hi Jerusalemli kapama, thot-thotwui athishurda kathānabing, avāva̱ ngarā shimkhurwui Leviwui wungva̱bing china.

Saulwui Awova̱ngarā kala Ara̱-azā

³⁵ Gibeonshavā Je-iel kaho chi Gibeonli pamsai. Apreiva̱wui ming Maacah hoi;

³⁶ kala awui naochizaili Abdon hoi, chiwui thili Zur, Kish, Baal, Ner, Nadab,

³⁷ Gedor, Ahio, Zechariah, kala Mikloth;

³⁸ Miklothna Shime-amwui avāva̱na; athum theisāli ngasoda athum hi Jerusalemli khalei athumwui theisābingli yangngasunda pama.

³⁹ Nerna Kishwui avāva̱na, Kishna Saulwui, Saulna Jonathan, Malchishua, Abinadab kala Eshbaalwui avāva̱na.

⁴⁰ Jonathanwui naomayara Merib-baalna, kala Merib-baalna Micahwui avāva̱na.

⁴¹ Micahwui naobing: Pithon, Melech, Tahre-a, kala Ahaz.

⁴² Ahazna Jarahwui avāva̱na, Jarahna Alemethwui, Azmaveth kala Zimriwui avāva̱na. Zimrina Mozawui avāva̱na.

⁴³ Mozana Bine-awui avāva̱na, kala Rephaiah awui naona, awui nao Ele-asah, kala Azelna awui naona.

⁴⁴ Azelwui naomayara tharuk leisai athumwui aming chiya: Azrikam, Bocheru, Ishmael, She-ariah, Obadiah, kala Hanan, athum hi Azelwui naomayarabingna.