1 SAMUEL 31 - Kathara Bible (BSI)

Saul eina Anaomayarabing Kathi

¹ Chitharan Philistinenaobingna Israelli vāngararra; kala Israelwui mibing mayuithuda yāmhaowa, kala Gilboa Kaphungli kachungkha sathatta pitāhaowa.

² Kala Philistinenaobingna Saulshi vānao ngarāli angaphankhuida; Saulwui naomayara Jonathan, Abinadab, kala Malchishualongli sāthathaowa.

³ Saullila sakchanglak eina kharomlaga malā kakapbingna kāpta a zakshilak eina khamā za̱haowa.

⁴ Chieina Saulna awui chāngvei phungkhameli, “Nawui raighai sutkhuilaga ili tothathaolu, chi maningakha ahui marimkashokbing hina ili rekharek nganaoda sāthatra” da hānga. Kha chāngvei kaphunga china ngacheenahaida mamayāthuwa. Chiwui vang eina Saulna awui raighai khuilaga akhalatta ngaronthathaowa.

⁵ Kala Saul thikahai chi theilaga, awui chāngvei kaphungala awui raighai khuilaga chili ngaronthathaowa.

⁶ Hithāda Saul, kala awui anaomayara kathum, kala awui chāngvei phungme, kala awui mibing saikora chithang thitkha sāhaowa.

⁷ Kala tampāk makānda khalei, kala Jordan makānda khalei Israelwui mibingna, Saulshi vānaongarā thihaira kaji kashā eina keinungbing horhaida kachāyām eina yāmhaowa. Kala Philistinenaobingna asompamhaowa.

⁸ Akhama kathā, Philistinenaobingna kathinaobingwui ot akhangapon tharan, Saulshi vānaongarā Gilboa Kaphungli thihaisai.

⁹ Kala athumna akui rangkhui kala awui raisāri raikhuilaga Philistine ngaleili mibingna athumwui varebingna theikhavai athumwui ringkaphā pao chihovasera.

¹⁰ Awui raisāri Ashtarothwui khorumshimli haihai; kha athumna awui phasā Beth-shanwui ngaveili hokthanghai.

¹¹ Kha Philistinenaobingna Saulli kasā chi Jabesh-gileadwui mibingna kashā eina,

¹² rai khamarākabingna ngakarthuida ngayā zatthailaga Saulshi vānaongarāwui angun chi Beth-shan ngaveiwui eina akhui, kala athumna Jabeshli ungriktāhaowa.

¹³ Kala athumna ara̱kuibing chi Jabeshwui tamarisk thingrong pam akhawui ngalemli chifahaowa, kala shinithang khuma.