ZABURI 82 - Biblia Ilagho Jiboie Kwa Wandu Wose

Mlungu, mtanyi wa hachi

¹ Mlungu waseria kifumbi chake cha mwandu ghwa mlungunyi; waawuyatanya aghadi ya milungu.

² “Mtanya kuseko na hachi, na kudawiria wawiwi hata lii?

³ Mdederienyi mnyonge, na mwana mkiwa; m'bonyerenyi hachi uo ukorongelo na uo usowagha.

⁴ Wivuvuonyi awo wanyonge; wikirenyi kufuma mikonunyi kwa wawiwi.”

⁵ Inyo ndemuichi malagho; mooka wakelu! Moononeka putu, na malagho ghose ghaawuyanoneka ndoenyi.

⁶ Ini naghamba, “Inyo mo milungu; inyo mmbose, mo wana wa Uo-Uko-Aighu-Nandighi.

⁷ Ela mchafwa sa wandu; mchasagha sa wabaa wose.”

⁸ Choo kughutanye wurumwengu ee Mlungu, angu wandu wose ni wako.