ZABURI 3 - Biblia Ilagho Jiboie Kwa Wandu Wose

Malombi gha nakesho ghelomba wutesia

¹ Wamaiza niko nawo ni wengi ee BWANA! Ni wengi wawuyakunda kulwa nani.

² Wandu wengi waawuyanideda wikighamba, “Mlungu ndemtesiagha kungi.”

³ Ela oho ko ngao enilindia ee BWANA, ni oho kunisimiagha, na kunikumba ngolo.

⁴ Nadamkemia BWANA, nao wadanitumbulia kufuma mghondinyi ghwake ghwa wueli.

⁵ Nadalala andonyi na kupata dilo; nadawuka angu BWANA unilindiagha.

⁶ Maelfu gha wandu ghikanimara chia rose kulwa nani, sichaawiobua anduangi.

⁷ Wuka kunikire ee BWANA Mlungu wapo, kwadawikaba wamaiza wapo wose, na kuwifusha waya; kwadawisirisha ndighi.

⁸ Wusimi ghwadafuma kwa BWANA; irasimio jake ndejikaie aighu ya wandu wake.