ZABURI 16 - Biblia Ilagho Jiboie Kwa Wandu Wose

Irumirio na Isuwirio

¹ Kunilindie ee Mlungu, angu nakukimbiria oho.

² Nadamzera BWANA, “Oho ko BWANA wapo; siwadie kindo chingi kicha kuchumba oho.”

³ Waeli wiko isangenyi, niwo wandu wa ishima; awo niwo winiboiagha.

⁴ Awandu wikimbiriagha milungu mizima, wadachuria wasi ghwawo; sichaakaia na wungara na vizongona vawo hata sidimagha kutasa milungu yawo.

⁵ Ini neekusaghua kukaie ifungu japo BWANA, na irangi japo, jeeka mikonunyi kwako.

⁶ Manosi kuninekie ni gha mashiniko, ghaboie na ndighi.

⁷ Nadamkasa BWANA, uo uninekie njama ndicha; nakio wori ngolo yapo yadaniwonyera jebonya.

⁸ Naawuyakanya na BWANA matuku ghose; oko chia ya mkonu ghwapo ghwa kiwomi, sichaanyavurika anduangi.

⁹ Kwa huwo nadaboilwa na kuzuma, nani nadalindilwa banana.

¹⁰ Kwa kukaia ndekunisighagha nikaie Andu kwa Wafu, hata kumsigha Mweli wako uwone kuwoa kungi.

¹¹ Oho kwadaniwonyera chia ya irangi, andu kuko oho kwachua maboilo; na aisi ya mkonu ghwako ghwa kudima, koko mecha gha kala na kala.