ZABURI 15 - Biblia Ilagho Jiboie Kwa Wandu WoseAgho Mlungu ughikundagha 1 Ee BWANA, nani udimagha kungia andenyi ya Hekalu yako? Nani udimagha kukaia aighu ya mghondi ghwako ghwa wueli? 2 Ni mundu useghendagha kisha, wadabonya ijo ja hachi, nao wadaghora loli kufuma ngolonyi kwake. 3 Ndezighiriagha angu kumkita mghenyi wake, hata ndemdedagha mmbao ungi anduangi. 4 Wadammenya mundu mmbiwi, na kuwineka ishima awo wimuobuagha BWANA; ukalaghira, ndeghalukagha putu, hata ngera uvavirika. 5 Uo wadakopesha kuseko fwaida; hata ndetuwagha umzighirie mundu usewadie ikosa. Mundu ubonyagha maza iri, najingi ndechaanyavurika. |