ZABURI 146 - Biblia Ilagho Jiboie Kwa Wandu Wose

Kumkasa Mlungu uo Mkiri

¹ BWANA ndekaso! Mkase BWANA, ee roho yapo!

² Nichamkasa BWANA ngelo rose niko moyo; nicham'boria makaso kari kose.

³ Kusakekusaghika kwa wabaa, uo mdamu usedimagha kukutesia.

⁴ Mdamu ukafwa, wadawuya ndoenyi, na mipango yake yadasia ijo ituku jeni.

⁵ Warasimilwa uo mundu Mlungu wa Jakobo uko wutesia ghwake; uo uwikie isuwirio jake kwa BWANA Mlungu wake,

⁶ uo uumbie mlungunyi na ndoenyi, bahari na vose viko andenyi yaro. Uo wadakatisha malaghiro ghake;

⁷ wadawitanyira hachi awo wikorongwagha, na kuwineka vindo awo wiko na njala. BWANA wadawifungua wafungwa;

⁸ na kuwitambua vitungure meso. BWANA wadawiwusira awo wighwaghwa; na kuwikunda wahachi.

⁹ BWANA wadawilindia waghenyi wiko isangenyi kodu; wadawitesia waka wakiwa na wana wakiwa; ela wadainona mipango ya wandu wawiwi.

¹⁰ BWANA, ni mzuri uchabonya nguma kwa kala na kala; Mlungu wako ee Sioni, uchabonya nguma ngelo rose. BWANA ndekaso!