ZABURI 14 - Biblia Ilagho Jiboie Kwa Wandu WoseWuwiwi ghwa mdamu ( Zab. 53 ) 1 Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie, hata ndekuwadie ungi ubonyagha nicha anduangi. 2 BWANA wadawizighana wadamu kufuma mlungunyi, uwone ngera oko mndungi uko na hikima, umlolagha Mlungu. 3 Wandu wose weelaghaya, wose weenoneka; ndekuwadie ungi ubonyagha nicha, ndeuko hata umweri. 4 BWANA wakotia, “Welee, awabonyi kiwiwi wose ndewikufundishagha jingi? Wadasoka wandu wapo, hata ndewinilombagha.” 5 Wichakaia na kiture kibaa aho, angu Mlungu wadakanya na wandu wa hachi. 6 Inyo wawiwi, mwadainona mipango ya mkiwa; ela BWANA wadamlindia. 7 Ima kukia kwa wandu wa Israeli ndakwachaa kufuma Sioni! Wandu wa Israeli wichaboilwa na kuzuma, ingelo BWANA uchaawiwunjira mecha ghawo. |