ZABURI 124 - Biblia Ilagho Jiboie Kwa Wandu WoseMlungu, uo mlindiri wa wandu wake 1 Erekaiagha wada ngera BWANA userekaieghe luwaru lodu? Tumbulia ee Israeli! 2 “Wei BWANA nderekoghe luwaru lodu, iji wamaiza werewukieghe kulwa nesi, 3 kumangu dadamilwa dimoo ingelo werejokwagha ni machu aighu yedu; 4 kumangu dadadwalwa ni machi mengi, na kufinikirwa ni wungi ghwa machi, 5 nagho ghadadimila noko.” 6 BWANA ndekaso, uo userewisighieghe wamaiza wedu widitoteshe. 7 Deefufunuka sa nyonyi ifumie mdeghonyi ghwa mdiwi; mdegho ghoochika, nesi dikaafufunuka! 8 Wutesia ghodu ghuafuma kwa BWANA; uo ubonyere mlungunyi na ndoenyi. |