ZABURI 12 - Biblia Ilagho Jiboie Kwa Wandu Wose

Kulomba wutesia

¹ BWANA ditesie, ndekuwadie mndungi mucha uduagha. Wandu waloli ndewiduagha wandunyi anduangi.

² Wiaghoriana tee weni na weni. Waja malagho gha mikalo, na kukaia na ngolo eja kuwi.

³ BWANA ndenyamire memu ya mikalo, na chumi rikukasagha;

⁴ awo wighambagha, “Dichawisima kwa kukudederie diweni; deko na memu yedu, nani uchaadibonyera nguma?”

⁵ BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

⁶ Malaghiro gha BWANA ni gha loli, gheeka sa feza ieleshero kwa modo mando mfungade.

⁷ Kudilindie ee BWANA, kudiwike banana kari kose aghadi ya wandu wa kivalwa ichi.

⁸ Wandu wawiwi wadamara-mara iichia na iichia, ingelo wuwiwi ghwawuyakaswa aghadi ya wandu.