ZABURI 110 - Biblia Ilagho Jiboie Kwa Wandu Wose

BWANA, na mzuri wake umsaghue

¹ BWANA oremzerieghe bwana wapo, “Sea kidombo chia ya mkonu ghwapo ghwa kiwomi, hata niwibonye wamaiza wako wikaie aisi ya maghu ghako.”

² BWANA uchaghushabua wuzuri ghwako ghuwadie ndighi kufuma Sioni. Kuchawibonyera wamaiza wako nguma.

³ Ituku kulwagha na wamaiza wako, wandu wako wichakufunya cha kwako. Wandu wako wa irika wichakuchea sa mami gha luma lwa nakesho aighu ya mighondi ya wueli.

⁴ BWANA waghemie, nao ndechaaghaluka: “Oho ko mkohani kwa kala na kala kwa kunughishira wukohani ghwa Melkizedeki.”

⁵ Bwana oko chia ya mkonu ghwako ghwa kiwomi; ituku ujokwagha ni machu, uchawitotesha wazuri.

⁶ Uchatanya wandu wa mbari zima, na kubwagha wandu wengi aghadi kwawo, uchawisima wabaa wa ndoenyi kose.

⁷ Mzuri uchanywa machi modenyi a chienyi, uchapata ndighi na kuwuya msimi.