ZABURI 11 - Biblia Ilagho Jiboie Kwa Wandu Wose

Kukaia na irumirio na BWANA

¹ Ini neemkimbiria BWANA; munizera wada wei, “Buruka cha mighondinyi sa nyonyi,

² angu wandu wawiwi wafunga ndana, na kulunganyira mawanu ghawo; wipate kuwilasa wandu wecha nakio.

³ Kwani misingi ya sharia ikanoneka-lee, mhachi ubonya ilaghoki?”

⁴ BWANA oko andenyi ya Hekalu yake ya wueli, kifumbi chake cha nguma cheko mlungunyi; nao wadawizighana wadamu na kuwimanya seji wibonyagha.

⁵ BWANA wadawitima wahachi na wawiwi, nao wadazamilwa ni wang'eti.

⁶ Mlungu uchawiseria wawiwi modo na kibiriti; nao uchawikaba na mbeo ilunguragha.

⁷ BWANA ni mhachi, nao wadakunda mabonyo gha hachi; awo wecha wichaghuwona wushu ghwake.