ZABURI 101 - Biblia Ilagho Jiboie Kwa Wandu Wose

Ilaghiro ja Mzuri

¹ Nichakuboria lumbo ee BWANA; nichakuboria malagho gha wuloli na gha hachi.

² Nichalindia nisebonye ikosa jingi. Ado kuchaacha lii kwapo? Nichadua na irangi jielie nyumbenyi kwapo.

³ Sichaawika kindo chingi chiseelie imbiri kwapo. Nadazamilwa ni mabonyo gha wandu wimsighagha Mlungu; sikunde wungara ghungi nawo.

⁴ Nichakaia kula na wuwiwi; sichaabonya ilagho jingi jizamie.

⁵ Nichamtotesha mundu umdedagha mmbao kivisonyi. Sichaamrumaghia mundu ukudukie, uzighanagha kwa lung'eto.

⁶ Nichawirumiria awo wiko waloli isangenyi, wikanyeghee nani; uo usebonyagha ikosa uchanidumikia.

⁷ Mndungi wa mikalo ndechaakaia ngomenyi kwapo; mtee ungi ndechaakaia imbiri kwapo anduangi.

⁸ Kula ituku nichakaia ngiwitotesha wawiwi wose isangenyi, nichawiwinga mzinyi kwa BWANA.