JEREMIA 45 - Biblia Ilagho Jiboie Kwa Wandu Wose

Ilaghiro ja Mlungu kwa Baruku

¹ Mwaka ghwa kana ghwa kubonya nguma kwa Jehoiakimu mwana wa Josia mzuri wa Juda, Baruku oreandikieghe malagho neremghorieghe,

² seji BWANA uo Mlungu wa Israeli oreghorieghe huwu:

³ “Ee Baruku, koreghambieghe, ‘Ni bugha kwapo kwa kukaia BWANA wanichuria wasi aighu ya kuwawa kwapo, nasirimika kwa wundu ghwa kuruma kwapo, hata siwadie kuhora kungi anduangi.’

⁴ “Ola naawuyachikanya agho nereghiaghieghe, na kukua ivo nereviwaeghe isangenyi kose.

⁵ Na oho-lee kuakulolia malagho mabaa? Kusakeghilola, angu zighana naawuyareda wuwiwi aighu ya wandu wose, ela nichakulindia irangi jako kusebwagho andu uko kose kuchaakaia kukighenda.” Ini BWANA naghamba.