EZRA 10 - Biblia Ilagho Jiboie Kwa Wandu Wose

Mpango ghomeria kuloworana na wandu wazima

¹ Nao iji Ezra orekoghe ukilomba na kuhea, ukilila na kughwa imbiri ya Hekalu, izungu ibaa ja wandu wa Israeli womi na waka na wanake, wikamkwanyikia wikilila nandighi kwa kuwawa.

² Niko Shekania mwana wa Jehieli wa Kichuku cha Elamu ukamzera Ezra, “Damerie kuchikanya malaghiro ghedu na Mlungu kwa kulowua waka wa kighenyi; ela hata huwo saki, isuwirio kwa Israeli jaduagha aeni.

³ Idana ndedibonye ilaghano na Mlungu odu kukaia dichawisigha awa waka chiaimweri na wana wawo kunughana na njama yako, bwana odu na ya awo wose wiko na ishima na malaghiro gha Mlungu odu na ilagho ijo jibonyo kunughana na Sharia.

⁴ Wuka, angu ihi ni kazi yako. Isi deko nyuma yako, kwa huwo kaia na ndighi kuibonye.”

⁵ Niko Ezra ukawuka na kuwibonya vilongozi va wakohani na Walawi wibonye ighemi kukaia wichabonya seji malagho ghaghorwa. Nawo wikabonya ighemi.

⁶ Nao Ezra ukawuka imbiri ya Hekalu ukaghenda chumbenyi kwa Jehohanani mwana wa Eliashibu, ukalala aho ukililia kuja kusowa wuloli kwa wandu wifumie wubarishonyi. Nderejieghe hata kunywa kindo chingi anduangi.

⁷ Nao itangazo jikafunywa kwa Juda na Jerusalemu yose kukaia wandu wose wiwurie kufuma wubarishonyi wikwane Jerusalemu,

⁸ mndungi ukakaia usechee kwa matuku adadu, kwa malaghiro gha wabaa na waghosi uchasokwa mali rake rose; na uo moni uchasighwa kufuma kwa ugho wumweri ghwa wandu wifumie wubarishonyi.

⁹ Andenyi ya matuku adadu, ituku ja mirongo iwi na ja mori ghwa ikenda, wandu wose wikaiagha Juda na Benjamini wikasea kidombo a shighadi imbiri ya Hekalu ya Mlungu wikisughusika kwa wundu ghwa agho malagho mabaa na kwa wundu ghwa vua mbaa erekoghe ikinya.

¹⁰ Nao mkohani Ezra ukawuka kimusi na kuwizera, “Mwakosere kwa kulowua waka wa kighenyi, na kwa chia iyo mwachurie kaung'a aighu ya Israeli.

¹¹ Idana rumirienyi makosa ghenyu imbiri ya BWANA Mlungu wa weke ndeyo, mpate kubonya lukundo lwake; mkutanye na waisanga na waka wenyu wa kighenyi.”

¹² Niko wandu wikatumbulia kwa lwaka lubaa, “Niko koni; ni suti dibonye seji kwaghora.

¹³ Ela wandu weeka wengi, na vua ni nyingi; ndedidimagha kukaia kimusi ashighadi. Kazi ihi si ndini kungi, wei sa ya ituku jimweri angu awi, kwa kukaia wengi wedu damerie kungia andenyi ya ihi kaung'a.

¹⁴ Wabaa wedu ndewikaie Jerusalemu wizighaneghe agha malagho, na wandu wose wa mizinyi kedu wilowue waka wa kighenyi wiche kwa ngelo yaro, chiaimweri na waghosi na watanyi wa kula muzi, hata Mlungu wameria kudiinjira machu ghake ghibirie aighu ya ilagho iji.”

¹⁵ Jonathani mwana wa Asaheli na Jazeia mwana wa Tikva wiekeri niwo wereleghaneghe na ijo ilagho; Mashulamu na Shabethai, Mlawi wikarumiriana nawo.

¹⁶ Niko awo wandu wiwurie kufuma wubarishonyi wikarumiria ugho mpango. Mkohani Ezra ukasaghua wandu vilongozi va vichuku, kunughana na familia rawo, kula mundu ukaandika irina. Ituku ja imbiri ja mori ghwa ikumi wikasea kidombo kuzighana agho malagho.

¹⁷ Andenyi ya meri idadu wikalawua maza rose ra wandu wilowue waka wa kighenyi.

Womi awo werelowueghe waka wa kighenyi

¹⁸ Awa niwo wandu werelowueghe waka wa kighenyi, Wakohani kunughana na vichuku vawo; Kichuku cha Joshua na waruna wana wa Jehosadaki, Maaseia, Eliezeri, Jaribu na Gedalia.

¹⁹ Wikabonya ilaghiro weni ja kuwisigha waka wawo, na kufunya bauru ikaie kizongona kwa wundu ghwa kaung'a rawo.

²⁰ Kichuku cha Imeri ni: Hanani na Zebadia.

²¹ Kichuku cha Harimu ni: Maaseia, Elija, Shemaia, Jahileeli, na Uzia.

²² Kichuku cha Pashuri ni: Elioenai, Maseia, Ishmaeli, Nethaneli, Jozabadi, na Elasa.

²³ Wa Walawi ni awa: Jozabadi, Shimei, Kelaia, (nuo moni Kelita), Pethaya, Juda, na Eliezeri.

²⁴ Wa Wabori ni Eliashibu. Walindiri wa Hekalu ni Shalumu, Telemu, na Uri.

²⁵ Wa Waisraeli wazima ni awa: Kichuku cha Paroshi: Ramia, Izia, Malkija, Mijamini, Eliazari, Malkija na Benaia.

²⁶ Kichuku cha Elamu: Matania, Zekaria, Jahileeli, Abdi, Jeremothi, na Elija.

²⁷ Kichuku cha Zatu: Elioenai, Eliashibu, Matania, Jeremothi, Zabadi, na Aziza.

²⁸ Kichuku cha Bebai ni: Jehohanani, Hanania, Zabai, na Athlai.

²⁹ Kichuku cha Bani ni Meshulamu, Maluku, Adaia, Jashubu, Sheali, na Jeremothi.

³⁰ Kichuku cha Pahath-moabu ni: Adina, Chelali, Benaia, Maaseia, Matania, Baazaleli, Binui, na Manase.

³¹ Kichuku cha Harimu ni: Eliezeri, Ishija, Malkija, Shemaia, Shimeoni,

³² Benjamini, Maluku, na Shemaria.

³³ Kichuku cha Hashumu: Matenai, Malala, Matatha, Zabadi, Elifeleti, Jeremai, Manase na Shimei.

³⁴ Kichuku cha Banini: Maadai Amramu, Ueli,

³⁵ Benaia, Bedeia, Cheluhi,

³⁶ Vania, Maremothi, Eliashibu,

³⁷ Matania, Matenai, Jaasu.

³⁸ Kichuku cha Binui ni Shimei,

³⁹ Shelemia, Nathani, Adaia,

⁴⁰ Maknadebai, Shashai, Sharai.

⁴¹ Azareli, Shelemia, Shemaria,

⁴² Shalumu, Amaria na Josefu,

⁴³ Kichuku cha Nebo ni: Jeieli, Matithia, Zabadi Zebina, Jadai, Joeli na Benaia.

⁴⁴ Awa wose werelowueghe waka wa kighenyi, nawo wikawiwinga chiaimweri na wana wawo.